Երեխայի ծննդից հետո կինը միառժամանակ դադարում է  իրենը լինել: Կյանքի յուրաքանչյուր րոպեն նա նվիրում է որքան սիրելի, այդքան էլ  պահանջկոտ մանկիկին: Կերակրել-քուն-զբոսանք եւ նորից կերակրել. այս ամենն արվում է շուրջօրյա՝ առանց հանգստյան եւ տոնական օրերի:

Դեմքի խնամքը կաթնարտադրության ընթացքում

Հղիության և հետծննդաբերական շրջանում, խորհուրդ չի տրվում օգտագործել մաքրող, սնուցող և խոնավեցնող քսուքները, որոնք պարունակում են սալիցիլային թթու, ռետինոլ կամ սոյա։ Պարունակվող քիմիական տարրերը կարող են էապես վնասակար ազդեցություն ունենալ երեխայի առողջության վրա: Ուստի ցանկալի է ռիսկի չդիմել:

Կարելի է օգտագործել բնական հիմքով, հանքային տարրերով կոսմետիկա: Իսկ ալերգիկ ռեակցիան ստուգելու համար կոսմետիկան հարկավոր է քսել մաշկի մի փոքր հատվածում, ապա սպասել 24 ժամ: Լիարժեք տեղեկատվություն ստանալու համար կոսմետիկ ապրանք գնելուց առաջ հարկավոր է մանրամասն ուսումնասիրել պիտակը՝ կարդալով բնութագիրն առկա բոլոր լեզուներով։

Դեկորատիվ կոսմետիկա

Խորհուրդ չի տրվում չարաշահել տոնային քսուքները: Չկա միանշանակ կարծիք՝արդյոք քիմիական տարրերը հայտնվում են մայրական կաթի մեջ, թե ոչ։ Սակայն կերակրող մայրը պետք է խնայի մաշկը, քանի որ պիգմենտային հետքերի և կարմրությունների շտկման հարցում տոնային կրեմը բավարար արդյունք կարող է չտալ: Անքուն գիշերների արդյունքում ստեղծված հետքերի վերացման համար կարելի է օգտագործել կարմրաներկ:

Շարունակելի Նյութն ըստ mamaexpert.ru կայքի

Մաշկի խոնավեցումը կրծքով կերակրելու ժամանակահատվածում

Չի կարելի օգտագործել սուր հոտով կրեմներ կամ լոսյոններ, հատկապես կրծքի հատվածում: Կերակրելուց անմիջապես առաջ մաշկը խոնավեցնելու հետևանքով երեխան կարող է հրաժարվել կրծքից, ինչպես նաև սննդի հետ մեկտեղ  ստանալ քիմիական նյութերի չափաբաժին:

Վարսերի խնամք

Իհարկե, բժշկական հատուկ արգելքներ չկան վարսերը ներկելու կամ քիմիական խոպոպներ սարքելու վերաբերյալ, սակայն մազերի պահպանության և խնամքի տեսանկյունից ավելի լավ է խուսափել այդ գործընթացներից։ Պետք է խուսափել հաճախակի մազաներկումից, քանի որ հետծննդաբերական  շրջանում վարսերը սկում են նոսրանալ։

 

Կարո՞ղ է  արդյոք կերակրող մայրը արևայրուք ընդունել

Կերակրող մայրերին խորհուրդ չի տրվում գտնվել արևի տակ՝ չօգտագործելով բարձր պաշտպանական շեմով, ուլտրամանուշակագույն ճառագայթներից պաշտպանող հատուկ արևային քսուք, կամ այցելել սոլյարի՝ չծածկելով պտուկները և հարպտկային հատվածը, քանի որ այրվածքներն այդ հատվածներում թե ցավոտ են և թե վտանգավոր:

 Հետծննդյան վերականգնողական շրջանում խնամքի միջոցներ ընտրելիս պետք է առաջնորդվել «մի վնասիր» կարգախոսով:

Այդ նպատակով ստորև ներկայացնում ենք «կարելի»-ների ու «չի կարելի»-ների ցանկը դեմքի և մարմնի խնամքի համար:

Այլ հոդվածներ …

Գովազդ