Իսկ դո°ւ

 Մեծն ասում է. «Ես սիրում եմ շոկոլադ, իսկ դո°ւ», երեխան արձագանքում է:Դրանից հետո մեծը տալիս է հաջորդ հարցը: Եթե երեխան լավ խոսում է ու պատասխանում հարցերին, կարելի է նրան խնդրել ոչ միայն պատասխանել, այլև ինքն էլ իր հարցերը տա:

 Չլսող նապաստակը

 Խաղն  անդրադառնում է տարբեր արգելքների: Մեծը պատմում է նապաստակների մասին, որոնք ցանկանում էին միացնել ջեռոցը (վազել դեպի ճանապարհի  երթևեկելի մասը, նկարել պատի վրա, գրքից կտրել նկարները): Երեխայի խնդիրն է կանգնեցնել նապաստակին և բացատրել`՝ ինչու դա չի կարելի անել: Մեծը կարող է նապաստակի անունից տալ ուղղորդող  հարցեր:

Հանելուկներ

Մեծահասակը մտքում փոքրիկին լավ հայտնի որևէ իր է պահում: Նա նկարագրում է այդ իրը, հուշում-բառեր է տալիս, իսկ փոքրիկը պետք է կռահի, թե ինչի մասին է խոսքը: Օրինակ, եթե մտքում պահել եք «գազար» բառը, կարող եք ասել, որ սա բանջարեղեն է, նարնջագույն է, նապաստակներն այն շատ են սիրում և այլն: Եթե փոքրիկը դժվարանում է գուշակել բառը, շարունակում եք հուշումներ տալ այնքան, մինչև նա գլխի ընկնի, թե ինչի մասին է խոսքը:

Ու°մ համար է լավ

 Մեծն ասում է. «Կատվին դուր չի գալիս անձրևը, որովհետև նա թրջվում է և մրսում: Իսկ ո°ւմ է դուր գալիս անձրևը»:  Երեխան պատասխանում է`ծառերին, ծաղիկներին, բադիկներին  (կարելի է օգնել նրան՝ ուղղորդող հարցեր տալով): Մեծը տալիս է այլ հարցեր, օրինակ՝ «Ո°ւմ է դուր գալիս գիշերը»,   «Ո°ւմ է դուր գալիս սառնամանիքը»,  «Ո°վ է սիրում փշեր»:

Խնդրում եմ

 Մեծը դիմում է հասարակ խնդրանքով, բայց երեխան պետք է դրանք կատարի միայն այն դեպքում, երբ մեծը չի մոռացել ասել «Խնդրում եմ» բառը: Որոշ ժամանակ անց, խաղը կարող է դառնալ երկկողմանի, այսինքն, երեխան ևս պետք է արտաբերի «կախարդական բառը»:

Պիտակ

 Մեծը թվարկում է. «Այս արկղում խնձոր է, տանձ է, դեղձ է, ծիրան է: Ո՞ր պիտակը պետք է կպցնել»: Երեխան պետք է ասի  թվարկած անունների կարգը, այս պարագայում`միրգ:

Հակառակը

Այս խաղը կօգնի փոքրիկին յուրացնել առօրյա երևույթների հականիշները: Այսպես, մեծահասակը ասում է «մեծ», երեխան պետք է նշի դրա հակադիր բառը`«փոքր», (բարձր-ցածր, հաստ-բարակ, երկար-կարճ և այլն):

Հետևանքները

 

Մեծահասակը հարցնում է փոքրիկին հետևանքների մասին: Օրինակ`ինչ կլինի, եթե փոքրիկը կոշիկով մտնի ցեխերի մեջ, պատասխանն է`կոշիկը կցեխոտվի (եթե գուլպայով մտնի ջուրը, այն կթրջվի, եթե ապուրի մեջ շաքարավազ ավելացնի, այն կքաղցրանա, եթե կեղտոտ հագուստը լվացի, այն կմաքրվի և այլն):

 

Նյութի նախորդ մասերը կարող եք կարդալ այստեղ`

Ընտանեկան խաղեր երեխայի զարգացման համար- մաս 4

Ընտանեկան խաղեր երեխայի զարգացման համար- մաս 3

Ընտանեկան խաղեր երեխայի զարգացման համար- մաս 2

Ընտանեկան խաղեր երեխայի զարգացման համար- մաս 1

 

Նյութի նախորդ մասը կարող եք կարդալ ԱՅՍՏԵՂ

Գտիր կարմիրը

Մեծահասակն առաջարկում է, որ փոքրիկը գտնի և մատնանշի իր շրջապատում առկա կարմիր (կապույտ, կանաչ) իրերը: Սկզբնական շրջանում որպես հուշում փոքրիկին կարող եք կարմիր թուղթ կամ կտոր տալ: Երբ փոքրիկը գույներն արդեն վարժ գիտի, խաղը կարող եք մի փոքր բարդացնել`առաջարկելով թվարկել, թե ինչն է լինում կարմիր (նարնջագույն, կանաչ, դեղին):

Անվանիր գույնը

Մեծահասակը ցույց է տալիս առարկան և հարցնում փոքրիկին, թե ինչ գույնի է այն: Սկզբում դրանք պետք է լինեն առարկաներ, որոնք փոքրիկն այդ պահին տեսնում է: Հետո կարող եք մի փոքր բարդացնել`թվարկելով նաև իրեր, որոնք այդ պահին շրջակայքում չկան:

Ինչ և ինչից է պատրաստվում

Այս խաղի համար երեխան պետք է իմանա, թե ինչ նյութեր կան (փայտ, երկաթ, քար, կտոր) և ինչ հիմնական հատկություններ ունեն դրանք: Մեծը հարցնում է՝ ինչից է պատրաստվում առարկան`օրինակ, աթոռը, զգեստը, խաղալիքը (լավ կլինի սկզբում նշել իրեր, որոնք փոքրիկն այդ պահին տեսնում է, որոնք կարող է շոշափել), իսկ երեխան պատասխանում է:

Հիշենք գիրքը

Եթե փոքրիկի համար պարբերաբար հեքիաթներ եք կարդում, կարող եք նաև այս խաղը խաղալ: Անվանում եք հեքիաթային հերոսի անունը, իսկ փոքրիկը նշում է, թե ինչ կենդանի է այն (օրինակ`Վինի Թուխ`արջուկ, Իա-Իա`իշուկ և այլն):

Մասնագիտություններ 

Փոքրիկին նախ բացատրում եք, թե ինչ մասնագիտություններ կան և ով ինչ է անում: Այնուհետև հարցնում ենք, թե ինչ է անում բժիշկը (ուսուցիչը, ոստիկանը), իսկ փոքրիկն էլ պատասխանում է`բուժում է (սովորեցնում, կարգը պահպանում): Կարող եք նաև հակառակն անել` նշել գործողությյունը, իսկ փոքրիկն էլ ասի, թե որ մասնագետն է դա անում: 

 

Շարունակելի

Որո՞նք են զարգացնող խաղերը և ի՞նչ գիտենք մենք դրանց մասին. այս և այլ հարցերի պատասխանները կտա  «Երկուսով» հոգեբանական մասնագիտացված կենտրոնի հոգեբան Անուշ Ալեքսանյանը:

 

Ինչ խոսք, երեխաները սիրում են խաղալիքներ և խաղեր: Իսկ երեխայի զարգացման գործում նրանց դերը բավականին մեծ է: Այժմ գոյություն ունեն բազմաթիվ սխալ, թյուր ըմբռնումներ զարգացնող խաղերի և առհասարակ երեխայի զարգացման մասին: Այդ թյուր պատկերացումները լիովին կարող են ճիշտ համարվել շատ գրքերում, բիզնեսով զբաղվող տարբեր զարգացման կենտրոններում, մանկապարտեզներում և քոլեջներում: Այդ պատճառով ծնողների մեծ մասը հեշտությամբ ընդունում է դրանք՝ որպես անհերքելի ճշմարտություններ:

Շատ-շատ

Նախ մեծահասակը երեխային սովորեցնում է, որ կենդանիների խմբերն ունեն իրենց անունները՝ կովերի խումբը կոչվում է նախիր, ոչխարներինը`հոտ, գայլերինը`ոհմակ, ձկներինը`վտառ, մեղուներինը`պարս, թռչուններինը`երամ ու այսպես շարունակ:  Այնուհետև մեծահասակը հարցնում է՝ ինչպես են կոչվում շատ-շատ կովերը (այսինքն՝ կովերի խումբը), երեխան պատասխանում է`նախիր: Եթե երեխան չի իմանում, պատասխանը տալիս է մեծը: Կենդանիներից բացի, կարող եք նաև առարկաների անուններ նշել: Օրինակ` շատ ծաղիկներ` ծաղկեփունջ,  շատ տներ` քաղաք և այլն:

Նյութի նախորդ մասը կարող եք կարդալ ԱՅՍՏԵՂ

Փոքրիկը կորել է

Մեծահասակն ասում է. «Գառնուկը կորել է, ինչպե՞ս է մայրիկը կանչում նրան»: Փոքրիկը պետք է պատասխանի «Բեե»: Եթե փոքրիկը ճիշտ է պատասխանում, մեծահասակն ուրախանում է. «Գառնուկը գտնվեց: Վազեց հասավ մայր գառանը»: Հետո կորչում է հաջորդ ձագուկը:

«Տուկ-տուկ»

Մեծահասակը. «Մենք գնում ենք, զբոսնում ենք և տեսնում տնակ՝ բույն (փեթակ, փոս, որջ և այլն): Տուկ-տուկ, ո՞վ է տանն ապրում»: Երեխան պատասխանում է: Եթե նա չի իմանում, պատասխանը տալիս է մեծահասակը:

Այլ հոդվածներ …

Գովազդ