Լավ ծնող դառնալու 10 մեթոդ

Դաստիարակություն

Երբ ընտանիքը համալրվում է փոքրիկ անդամով, բնականաբար, ծնողները ցանկանում են, որ փոքրիկ հրաշքն ունենա երջանիկ մանկություն ու պայծառ հիշողություններ իր մանկության մասին, որոնք կդառնան նրա անհատականության զգայական հիմքը:  Ստորև կներկայացնենք մի քանի խորհուրդներ, որոնք կօգնեն ձեզ լինել լավ ծնողներ երեխայի համար և երեխային երջանիկ մանկություն ապահովել:

1. Սեր առանց նախապայմանների

Դուք երեխային սիրում եք ոչ թե ինչ-որ բանի համար, այլ հենց այնպես: Երեխան կարող է նեղացնել կամ բարկացնել ձեզ, սակայն նրա նկատմամբ ձեր սերն այս ամենից չպետք է կախված լինի: Առավել ևս, չի կարելի երեխային ակնարկել, թե իրեն կսիրեք, եթե…: Երեխան պետք է վստահ լինի, որ ինքն իր ծնողների ուրախությունն է` անկախ ամեն ինչից:

2. Երեխայի հետ անցկացրած ժամանակը երբեք մի համարեք զուր վատնած

Իրականում մեծահասակներին ձանձրալի է թվում երեխայի հետ անցկացրած ժամանակը: Մեկ-երկու ժամ կարելի է ուրախանալ երեխայի խաղով, շարժումներով, իսկ հետո գալիս է ժամանակը  զբաղվել 

Երբ ընտանիքը համալրվում է փոքրիկ անդամով, բնականաբար, ծնողները ցանկանում են, որ փոքրիկ հրաշքն ունենա երջանիկ մանկություն ու պայծառ հիշողություններ իր մանկության մասին, որոնք կդառնան նրա անհատականության զգայական հիմքը:  Ստորև կներկայացնենք մի քանի խորհուրդներ, որոնք կօգնեն ձեզ լինել լավ ծնողներ երեխայի համար և երեխային երջանիկ մանկություն ապահովել:

1. Սեր առանց նախապայմանների

Դուք երեխային սիրում եք ոչ թե ինչ-որ բանի համար, այլ հենց այնպես: Երեխան կարող է նեղացնել կամ բարկացնել ձեզ, սակայն նրա նկատմամբ ձեր սերն այս ամենից չպետք է կախված լինի: Առավել ևս, չի կարելի երեխային ակնարկել, թե իրեն կսիրեք, եթե…: Երեխան պետք է վստահ լինի, որ ինքն իր ծնողների ուրախությունն է` անկախ ամեն ինչից:

2. Երեխայի հետ անցկացրած ժամանակը երբեք մի համարեք զուր վատնած

Իրականում մեծահասակներին ձանձրալի է թվում երեխայի հետ անցկացրած ժամանակը: Մեկ-երկու ժամ կարելի է ուրախանալ երեխայի խաղով, շարժումներով, իսկ հետո գալիս է ժամանակը  զբաղվել  ավելի «իմաստալից» բաներով:

 

Փոքր երեխայի կողքին նստելը թվում է մեծահասակի ժամանակի զուր կորուստ:  Բայց իրականությունն այլ է. Երեխայի հետ անցկացրած ամեն ժամը լրացնում է նրա ուրախ մանկության հիշողությունների շտեմարանը: Այնպես որ պարզապես միշտ երեխայի կողքին եղեք, միասին ինչ-որ բաներ արեք:

3. Արգելեք միայն այն, ինչը սպառնում է երեխայի անվտանգությանը

Ծնողների համար ամենահեշտը երեխային արգելելն է. Ինչքան երկար է «չի կարելիների» շարքը, այնքնա ավելի հանգիստ են ծնողները: Սակայն նման պարագայում մանկության մասին երեխային կմնան ընդամենը «բանտային» հիշողություններ: Արգելեք միայն այն, ինչը սպառնում է երեխայի կյանքին կամ անվտանգությանը: Իսկ երբ փոքրիկը պատռում է թերթը և շաղ տալիս տնով մեկ, կամ խորանարդիկներն է լցնում իր զգեստապահարան, մի բարկացեք: Ճիշտ է, հետո ստիպված կլինեք երեխայի հետևից հավաքել, բայց փոխարենը զուր արգելքով չեք ճնշի նրա անհատականությունը:

4. Երեխաներն անում են ոչ թե այն, ինչ ասում են, այլ այն, ինչ ծնողներն են անում

Եթե ուզում եք, որ, օրինակ, երեխան հագուստը չթափի սենյակով մեկ, ապա ինքներս պետք է օրինակ ծառայեք և միշտ հավաք պահեք ձեր զգեստապահարանը:Երեխաներն ամեն ինչում կրկնօրինակում են ծնողներին` թե լավ, թե վատ արարքները: Ձեր վարքըն ամենարդյունավետ դաստիարակչական միջոցն է:

5. Աշխատեք հասկանալ և ընդունել երեխայի արժեհամակարգը

Մեծահասակների չափանիշներով` բոլոր երեխաները խելագարներ են: Նրանք կարող են իրենք իրենց հետ խոսել, կարող են կծել, կամ աստիճանները թողած ժամերով տանջվել` սղիկի վայրեջքի մասից վեր բարձրանալու համար: Պարզապես երեխաների աշխարհն այլ է և այն, ինչ մենք հիմարություն ենք համարում, նրանց համար շատ կարևոր է: Որքան էլ ծիծաղելի ձեզ թվա երեխայի ցանկությունը, աշխատեք նրան լուրջ ընդունել: Քանի որ անգամ մանրուքի դեպքում մերժումը կարող է երեխայի համար ողբերգական լինել: Իսկ երբ օգնում եք երեխայի իր գործողություններում, նա ձեզ ընդունում է որպես հուսալի մարդ, ոչ թե մեծահասկաների «հիմար և անհասկանալի» աշխարհի ներկայացուցիչ:

6. Հարգեք երեխայի անհատականությունը

Ձեր երեխային լուրջ ընդունեք: Նրա հետ հաճախ հորհրդակցեք, հարցրեք նրա կարծիքը, թույլ տվեք, որ նա իրեն քննարկման լիիրավ մասնակից զգա:

Դժվար թե երեխան որոշիչ ինչ-որ բան ասի, սակայն տպավորությունը, որ նա մասնակցում է որոշումների կայացմանը, որ իր կարծիքը հաշվի են առնում, կբարձրացնի նրա ինքնագնահատականը և նաև հարգանքը ձեր հանդեպ:

7. Բացատրեք

Ամենավատ պատասխանը, որ կարող եք տալ երեխայի հարցին. «Դու դեռ փոքր ես, չես հասկանա»: Իրականում շատ քիչ բաներ կան, որ չեք կարողանա բացատրել երեխային իրեն հասկանալի մակարդակով: Իսկ եթե նման բաներ կան, հավանաբար այն չեն հասկանում նաև շատ մեծահասակներ:  Փորձեք պատասխանել երեխայի հարցերին, բացատրել նրա համար անհասկանալին. Անգամ եթե նա չհասկանա, լուրջ տեսքով գլուխը դրական կշարժի. Նա գնահատել է  ձեր վերաբերմունքը:

8. Մի վախեցեք  շատ հոգատար լինելուց

Մեծահասակն օրական գոնե 4 անգամ գրկախառնության կարիք ունի: Իսկ երեխաներն անհամեմատ ավելի շատ. նրանք ունեն սիրո և հոգատարության կարիք:   Այդ իսկ պատճառով մի վախեցեք երեխային ավելորդ անգամ ցույց տալ ձեր սերը:  Հաճախ գրկախառնվեք, ամեն առիթով և անգամ առանց առիթների շոյեք նրան ու քաղցր խոսքեր ասեք:

9. Մի քննարկեք երեխային նրա ներկայությամբ

Մի քննարկեք երեխային վերաբերող հարցերը նրա ներկայությամբ.  Դդա ամաչեցնում է երեխային, նրան անհարմար դրության մեջ դնում:

10. Փորձեք երեխային տալ ոչ թե լավագույնը աշխարհում, այլ  լավագույնը, որ կա ձեր մեջ

Երեխային տվեք ոչ թե լավագույնը աշխարհում, այլ լավագույնը, որ կա ձեր մեջ: Երբ ձգտում եք, երեխային նյութապես ապահովել, հիշեք, որ միշտ էլ կգտնվեն, մարդիկ, որոնց երեխաներն ավելի են ապահովված, որոնք ավելի լավ վայրերում են հանգստանում և այլն: Պարզապես ուժերի ներածին չափով երեխայի կողքին եղեք, նվիրվեք նրան: Երեխան դա կգնահատի և ձեզ կհամարի լավագույն ծնողը աշխարհում:

Գովազդ