Ինչ է պետք.
- 8 քաղցր պղպեղ
- կես փոքր կաղամբ
- 4 գազար
- 8 կանաչ սոխ
- 20 գրամ քերած պանիր
- 4- 5 ճաշի գդալ բուսական յուղ,
- աղ, սամիթ, մաղադանոս
Ինչպես պատրաստել.
Սկզբում պատրաստել լցոնը: Սոխը, գազարը, կաղամբը մաքրել, կտրատել մանր կտորներով: Ըստ ցանկության՝ կարելի է խարկել ձեթում: Ավելացնել աղը մանր կտրատած կանաչին եւ լավ խառնել:
Պղպեղը լվանալ, պոչի հատվածը շրջանաձեւ կտրել եւ մաքրել սերմերից: Բանջարեղենային խյուսը լցնել պղպեղի մեջ եւ շարել կաթսայում: Մի քիչ ջուր ավելացնել, կաթսայի կափարիչը փակել եւ դնել կրակին: Մոտ 20 րոպե եփելուց հետո պանիրը լցնել պղպեղի լցոնի վրա ու եփել եւս 10 րոպե:
Բարի ախորժակ