Մանկական բանաստեղծություններ պստիկների համար

բանաստեղծություններ

****

Ես ձկնիկն եմ, նույն բկլիկն եմ,

Ինձ խաբում է նույն որդը,

Որդը պիտի այնպես ուտեմ,

Որ չտեսնի ձկնորսը:

****

Ես փղիկ եմ, դեռ փոքրիկ եմ,

Բոլորն ինձ շատ են սիրում,

Որ փոքրիկ եմ, ես էլ գիտեմ,

Մենակ ջուր էլ չեմ խմում:

 

****

Կարմրակտուց-կարմրատոտիկ`

Սպիտակ բադ եմ,

Լճակ կա իմ բնին մոտիկ`

Լողալ գիտեմ:

Սպիտակ փետուր-կարմրաքիթ նավ`

Ես եմ որ կամ,

Չոր կարող եմ ջրից դուրս գալ

Ամեն անգամ:

 

***

Արի «մուկ ու կատու» խաղանք,

Ես կատուն եմ,

Ինչքան պիտի սոված մնանք,

Մի բան ուտեմ:

Դե, շուտ փախիր, վազիր արագ,

Փորձեմ բռնել,

Շատ եմ սիրում հաց ու կարագ

Ու կաթ խմել:

Հերթով փոխվենք` մուկ թե կատու,

Խաղը տևի,

Պիտի ուտես հիմա էլ դու

Հացն ափսեի:

Ուտենք-խմենք, բան չմնա, որ մեծանանք,

Մուկը կատվին ընկերանա`

Հանգստանանք:

 

 

ՀԱՍՄԻԿ ԱՋԱՄՅԱՆ