Հանելուկներ փոքրիկների համար

Հանելուկներ

***

Ունի երկու խողովակ,

 

Ամեն մեկն ունի ակ,

 

Խողովակից թե նայես՝

 

Ողջ աշխարհն է ոտքիդ տակ:

                             

(Հեռադիտակ) 

 

***

Հատիկ ունի՝ ասես նուռ,

 

Հատիկները փշոտ, սուր,

 

Պտղամիսն է շատ համեղ,

 

Նրան ասում են...

 

(Մասուր)

 

 

***

Ձյունի նման եմ, քնքուշ,

 

Շատ համեղ եմ, քաղցրանուշ,

 

Ով որ իմ համը առնի՝

 

Նա ինձ կասի...

 

(Սառնանույշ)

 

 

 

***

Ասես ձուկ է ջրի տակ,

 

Չափում է ծովն անհատակ,

 

Մի աչք ունի գլխից վեր,

 

Որ և' ակ է և' դիտակ:

 

(Սուզանավ)

 

 

***

Շատախոս է, շատախոս,

 

Փույթ չէ՝ ընկնի դար ու փոս,

 

Եթե նրան չտանջես,

 

Նա կմնա միշտ անխոս:

 

(Լեզու)

 

 

***

Մկնիկներին կեր է տալիս,

 

Խաբում է,  թե սեր է տալիս,

 

Երբ փորձում են կերը ուտել՝

 

Մեկեն բռնում-տուր է տալիս:

 

(Թակարդ)