Վերջերս առավել հաճախ է արգանդի միոմա հայտնաբերվում հղիների մոտ: Պատճառները մի քանիսն են. նախ միջին վիճակագրական ծննդկանի տարիքն է աճել, և երկրորդ՝ կատարելագործվել են ախտորոշման եղանակները:
Ինչպես է միոման ազդում հղիության վրա
Բեղմնավորում
Միոմայի առկայության դեպքում բեղմնավորման դժվարությունները պայմանավորված են հետևյալ գործոններով՝ արգանդափողերի
Միոման ինքնին չի համարվում անպտղության պատճառ, սակայն, եթե անպտղության որևէ այլ պատճառ չկա, միոմայի հեռացնելը զգալիորեն կբարձրացնի հղիանալու հավանականությունը: Իհարկե, սա վերաբերում է մինչև 12 շաբաթական հղիության չափս ունեցող միոմաներին:
Իսկ եթե միոման մեծ է և դեֆորմացնում է արգանդի խոռոչը, այն հեռացնելուց հետո վերարտադրողական ֆունկցիայի պահպանումը դժվար է, մանավանդ որ նման վիրահատությունը կարող է ուղեկցվել արյունահսությամբ, երբ ստիպված հեռացնում են արգանդը:
Հղիության առաջին եռամսյակը
Լուրջ բարդություն է առաջանում այն դեպքում, երբ միոման կապ ունի պլացենտայի (ընկերքի) հետ: Բացի այդ, նշանակություն ունի նաև հանգույցների չափսը ( մանր հանգույցներ ունեցող կանանց մեծամասնության մոտ հղիության ընթացքում բարդություններ չեն առաջանում):
Արգանդի միոմա ունեցող կանանց մոտ հաճախ վիժում է տեղի ունենում:
Պատճառները
- Արգանդի կծկումների հաճախացումը (միոմայի քայքայման հետևանքով առաջանում են պրոստոգլանդներ, որոնք առաջացնում են հարթ մկանաշերտի, այդ թվում և արգանդի մկանների կծկումներ),
- Արգանդում արյան շրջանառության խանգարումը,
- Նեյրոէնդոկրին խանգարումները,
- Քրոնիկ ինֆեկցիոն հիվանդությունները:
Հղիության երկրորդ և երրորդ եռամսյակ
Համարվում է, որ միոմայի առկայության դեպքում մեծ է վաղաժամ ծննդաբերության և վիժման վտանգը: Սա պայմանավորված է արգանդում երեխայի համար ազատ տարածքի կրճատմամբ միամատոզ հանգույցների պատճառով, ինչպես նաև արգանդի կծկումների հաճախակիացմամբ:
Որքան մեծ է միոմայի չափսը, այնքան մեծ է վաղաժամ ծննդաբերության հավանականությունը: Մեծ նշանակություն ունի միոմայի դիրքը և պլացենտայի հետ կապի առկայությունը:
Մեծ չափսի միոման ազդեցություն է ունենում պտղի աճի և զարգացման վրա: Մեծ միոմաներ ունեցող կանայք առավել հաճախ ծնում են փոքր քաշով երեխաների:
Նյութն ըստ medportal.ru կայքի
Կարդացեք նաև`
Արգանդի միոմա. պատճառներն ու բուժումը