Բնական ճանապարհով` ոչ արհեստական բեղմնավորմամբ, եռյակ լույս աշխարհ բերելն այսօր բացառիկ երևույթ է համարվում:
Նման բացառիկ երևույթ գրանցվեց նաև «Շենգավիթ» ԲԿ-ում: Օրերս  առանց օժանդակ տեխնոլոգիաների կիրառման լույս աշխարհ եկան երեք գեղեցկուհիներ՝ 1300,1400 և 1500 գրամ քաշերով:

Անպտղությունը դեռևս դատավճիռ չէ. ևս մեկ ընտանիք ճաշակեց ծնող լինելու բերկրանքը: Շենգավիթ բժշկական կենտրոնի բարձրակարգ մասնագետների շնորհիվ երիտասարդ ընտանիքն այսօր  լիակատար երջանիկ է:

«Արագիլ» բարեգործական հիմնադրամի աջակցությամբ ևս մեկ ընտանիքում մանկան ճիչ լսվեց: Տասը տարվա անպտղությունից հետո ամուսինները երկվորյակներ են ունեցել`աղջիկ և տղա: Փոքրիկներին անվանակոչել են Գարիկ և Մելանյա:

«Շենգավիթ» ԲԿ-ի «Մարդու վերարտադրողական առողջության» կենտրոնում, գինեկոլոգ-ռեպրոդուկտոլոգ Մարգարիտա Գրիգորյանի և «Արագիլ» բարեգործական հիմնադրամի օգնությամբ եռյակ է լույս աշխարհ եկել` երկու տղա և մեկ աղջիկ: Օժանդակ տեխնոլոգիաների կիրառումից հետո ևս մեկ արտամարմնային բեղմնավորման փորձ կատարելուց հետո գրանցվեց երկար սպասված հղիությունը: Եռյակները լույս աշխարհ են եկել կեսարյան հատման ճանապարհով` մանկաբարձ-գինեկոլգ Աշոտ Սիրունյանի օգնությամբ:

ՀՀ առաջին տիկին, Վերարտադրողական բժշկության «Արագիլ» հիմնադրամի հոգաբարձուների խորհրդի պատվավոր նախագահ Ռիտա Սարգսյանն   այցելեց «Շենգավիթ» բժշկական կենտրոնում  «Արագիլ» հիմնադրամի աջակցությամբ ծնված զույգ փոքրիկներին:

10 տարվա անպտղություն ունեցող զույգը բուժումներ էր ստացել տարբեր բժշկական կենտրոններում, բայց ապարդյուն: Տղամարդու մոտ առաջին աստիճանի օլիգոզոոսպերմիա էր ախտորոշվել (սերմնահեղուկի մեջ սպերմատոզոիդների քանակի նվազում): 

Հուսահատված զույգը դիմում է «Շենգավիթ» ԲԿ-ի  «Մարդու վերարտադրողական առողջության  կենտրոն»-ի գինեկոլոգ-ռեպրոդուկտոլոգ Մարգարիտա Գրիգորյանին` ներարգանդային սերմնավորման ևս մեկ փորձ անելու համար: 

Այլ հոդվածներ …

Գովազդ