Մանկության 6 տարիները թվում են մի ամբողջ կյանք, բայց արի ու տես, որ աչքդ թարթում ես, եւ թոթովախոս, հազիվ ոտքերի վրա կանգնող մանկիկը պայուասակի մեջ դասավորում է գրքերն ու տետրերը եւ շտապում դպրոց: Կրթօջախ, որտեղից սկսվում է կյանքի կարեւորագույն փուլերից մեկը:

Ուսումնական նոր տարին սկսված է: Ժամեր առաջ ղողանջեցին դպրոցական զանգերը՝ ազդարարելով նախակրթարանների սաների մուտքը՝ նոր կյանք: Այսօր մոտ 40 000 երեխա հրաժեշտ է տվել մանկությանն ու ոտք դրել դպրոց: Նրանք 12 տարի անցկացնելու են աշակերտական նստարանին ու իրենց ձեռք բերած գիտելիքով փորձելու են նոր երկիր կառուցել: