Հեռավար ուսուցման օնլայն հարթակներ․ ներկայացնում է դպրոցի փոխտնօրենը

Փոքրիկիս դպրոցը

Ա. Նավասարդյանի անվան հ. 196 հիմնական դպրոցի փոխտնօրեն Ռուզաննա Ստեփանյանն իր ֆեյսբուքյան էջում ներկայացրել է հեռավար ուսուցման մի քանի օնլայն հարթակ, որոնք այս օրերին, երբ կորոնավիրուսի պատճառով կրթական հաստատությունները դադարեցրել են աշխատանքը, կարող են օգտակար լինել ուսուցիչներին։

📌 zoom.us (Ծառայություն ՝ վիդեոկոնֆերանսների և վեբինարների համար)


Ազատ տարբերակում կարող եք դասընթացներ անցկացնել 100 աշակերտների համար, մինչև 40 րոպե տևողությամբ:

 

📌 wisiq.com (Առցանց դասընթացներ կազմակերպելու ծառայություն)


Ստեղծվում է դաս, որին աշակերտները միանում են։ Նրանք պետք է նախապես հաշիվ ստեղծեն այս միջավայրում: Այստեղ կարող եք անցկացնել առցանց հանդիպումներ, շփվել, հրապարակել առաջադրանքներ և հայտարարություններ: Անվճար տարբերակում դասընթացին և տեսահանդիպմանը կարող են միանալ 10 աշակերտ:

 

📌 Google Classroom (Google Classroom-ը հեռավար առցանց դասընթացներ կազմակերպելու ծառայություն է)


Ուսուցիչները կարող են՝


· ստեղծել առցանց դասարաններ, որը մասնավոր է և փակ ուսուցչի և նրա աշակերտների համար,
· սովորողների հետ կիսվել էլեկտրոնային կրթական ռեսուրսներով,
· մեկնաբանել սովորողների աշխատանքները,
· տեղադրել հայտարարություններ,
· աշակերտների հետ կազմակերպել քննարկումներ,
· կիսվել ֆայլերով,
· հանձնարարել, հավաքել և գնահատել աշակերտների թեստերը և գործնական աշխատանքները:


Սովորողները կարող են՝


· օգտվել կրթական ռեսուրսներից,
· համագործակցել առցանց դասարանում,
· հանձնել առցանց թեստեր,
· էլեկտրոնային տարբերակով ներկայացնել իրենց գործնական աշխատանքները:

 

📌 Moodle (համակարգը հնարավորություն է տալիս կազմակերպելու արդյունավետ առցանց հեռավար ուսումնական գործընթաց)


Այն դասավանդողին թույլ է տալիս ստեղծել.


· դասընթացներ,
· դասացուցակներ,
· հայտարարություններ
· թեստեր:

 

📌 Facebook Live (Այս ծառայության օգնությամբ հնարավոր է հեռարձակել դասընթացի տեսանյութը անմիջապես Facebook-ից)

Ուսուցիչները կարող են ստեղծել փակ խումբ տվյալ դասարանի համար, որտեղ կարող են կազմակերպել ուղիղ հեռարձակում և անցկացնել առցանց դասեր:

 

📌 Instagram Live (Այս ծառայության օգնությամբ հնարավոր է հեռարձակել տեսանյութը Instagram-ից)

Ուսուցիչները կարող են հեռարձակել ուղիղ եթերը իրենց հաշվից, և եթե աշակերտները բաժանորդագրված են իրենց հաշվին, ապա նրանք ծանուցում կստանան հեռարձակման վերաբերյալ: Կամ ուսուցիչները կարող են ստեղծել մասնավոր դասարանի հաշիվ և անցկացնել այնտեղ առցանց դասընթացներ:

 

📌 Periscope (Այս հավելվածը ուղիղ հեռարձակումներ անցկացնելու համար է)

 
Որպեսզի աշակերտները կարողանան դիտել ուսուցիչների հեռարձակումները, նրանք պետք է տեղադրեն այս ծրագիրը իրենց հեռախոսում և ստեղծեն հաշիվ: