ԵՐԵՎԱՆ. դու հին ու նոր մեր մայր քաղաք

Փոքրիկիս հայրենիքը

Երևանը Հայաստանի Հանրապետության  մայրաքաղաքն է. այն աշխարհի հնագույն քաղաքներից մեկն է:

Երևանը Հայաստանի 12-րդ մայրաքաղաքն է: Երկրի գլխավոր քաղաքի տիտղոսն այն կրում է սկսած 1918 թվականից:

2793-ամյա Երևանը հիմնադրել է Արգիշտի Առաջին թագավորը` մ.թ.ա. 782 թվականին: Քաղաքի հիմնամասը` Էրեբունի բերդաքաղաքը գտնվում է այժմյան Երևանի հյուսիս-արևելյան կողմում:

Երևանը այժմ ունի մեկ միլիոնից

Երևանը Հայաստանի Հանրապետության  մայրաքաղաքն է. այն աշխարհի հնագույն քաղաքներից մեկն է:

Երևանը Հայաստանի 12-րդ մայրաքաղաքն է: Երկրի գլխավոր քաղաքի տիտղոսն այն կրում է սկսած 1918 թվականից:

2793-ամյա Երևանը հիմնադրել է Արգիշտի Առաջին թագավորը` մ.թ.ա. 782 թվականին: Քաղաքի հիմնամասը` Էրեբունի բերդաքաղաքը գտնվում է այժմյան Երևանի հյուսիս-արևելյան կողմում:

Երևանը այժմ ունի մեկ միլիոնից ավել բնակիչ: Այն գտնվում է ծովի մակարդակից  865-1390 մետր բարձրության վրա: Քաղաքի միջով հոսում է Հրազդան գետը, որը սկիզբ է առնում բարձրադիր Սևանա լճից ու թափվում  է Արաքս գետը: Հրազդան գետի կիրճը քաղաքը բաժանում է երկու մասի:

Հայ մեծ ճարտարապետ Ալեքսանդր Թամանյանը 1924 թվականին նախագծեց Երևանի գլխավոր հատակագիծը: Սկզբում քաղաքի նախագիծն այնպիսին էր, որ հնարավորություն էր տալիս տեսնել Արարատ լեռը յուրաքանչյուր շինությունից:

Այժմ երևանը Հայաստանի Հանրապետության  քաղաքական, տնտեսական,  գիտական և մշակութային կենտրոնն է:

Երևանը հարուստ է ազգային ճարտարապետական կոթողներով: Առանձնանում են օպերայի և բալետի պետական ակադեմիական թատրոնը, Մատենադարանը, Մարզահամերգային համալիրը, Հաղթանակի և Կիևյան կամուրջները:  Ծիծեռնակաբերդի բլրի վրա վեր է խոյանում Մեծ եղեռնի զոհերի հիշատակին նվիրված հուշահամալիրը, իսկ Հաղթանակի զբոսայգում` Մայր Հայաստան հուշարձանը:

Երևանը հարուստ է նաև հին ու նոր եկեղեցիներով: Այն հինավուրց ու միաժամանակ նոր քաղաք է: