Ինչպես են հղիությունը և ծննդաբերությունն ազդում միոմայի վրա

Հետ ծննդյան շրջան

Հղիության զարգացման համար հարկավոր է ինչպես էստրոգենների, այնպես էլ պրոգեստերոնի հավելյալ արտադրություն: Թե մեկը, թե մյուսը զգալի ազդեցություն ունեն միոմայի վրա:

Բացի հորմոնայինից, հղիության ընթացքում տեղի են ունենում նաև զուտ մեխանիկական փոփոխություններ՝  արգանդի  մկանային թաղանթը մեծանում է ու ձգվում: Այս փոփոխությունների ազդեցությունը կախված է նրանից, թե

Հղիության զարգացման համար հարկավոր է ինչպես էստրոգենների, այնպես էլ պրոգեստերոնի հավելյալ արտադրություն: Թե մեկը, թե մյուսը զգալի ազդեցություն ունեն միոմայի վրա:

Բացի հորմոնայինից, հղիության ընթացքում տեղի են ունենում նաև զուտ մեխանիկական փոփոխություններ՝  արգանդի  մկանային թաղանթը մեծանում է ու ձգվում: Այս փոփոխությունների ազդեցությունը կախված է նրանից, թե որտեղ և ինչպես  է տեղակայված միոման և ինչքանով է «գրավել»  արգանդը:

Ընդունված է համարել, որ հղիության ընթացքում միոման աճում է: Սակայն կարծիք կա նաև, որ դա թվացյալ աճ է՝ պայմանավորված արգանդի աճով: Ընդհանուր առմամբ, միոմայի ոչ  մեծ աճ նկատվում է հղիության առաջին և երկրորդ եռամսյակում, իսկ երրորդում միոմաները փոքրանում են:  Հղիության ընթացքում միոմայի զգալի աճ հազվադեպ է նկատվում:

Հղիության ընթացքում առավել հաճախ այլ երևույթ է դիտվում. միոմայի այսպես ասած դեգեներացիա (քայքայում):

Դեգներացիան կարող է տեղի ունենալ հղիության ցանկացած փուլի ժամանակ, ինչպես նաև հետծննդաբերական փուլում:

Դեգեներացիայի պատճառներն ամբողջությամբ հայտնի չեն:

Միոմայի դեգեներացիայի հիմնական նշաններն են.

  • Ցավերը միոմատոզ հանգույցի տեղակայման վայրում ,
  • Արգանդի տոնուսի բարձրացում,
  • Ջերմության բարձրացում,
  • Արյան մեջ լեյկոցիտների  քանակի աճ:

Ախտորոշումը հաստատվում է ուլտրաձայնային հետազոտությամբ:

Նման վիճակը սովորաբար տևում է 1-2 շաբաթ:  Նման դեպքերում բժիշկները սովորաբար հանգստացնողներ և անկողնային ռեժիմ են նշանակում: Եթե որովայնում ցավ է առաջնում, և արգանդի տոնուսը մնում է բարձր, հոսպիտալացնում են ու ստացիոնար բուժում իրականացնում:

Վիրաբուժական միջամտություն կատարում են շատ հազվադեպ, երբ հստակ ցուցում կա: Սովորաբար նվազագույն վիրաբուժական միջամտությամբ հնարավոր է լինում հղիությունը պահպանել: Գործընթացը վիժման և վաղաժամ ծննդաբերության է բերում միայն ծանր դեպքերում:

Իսկ  ծննդաբերությունից հետո առաջին ամիսներին միոմայի փոփոխություններն անկանխատեսելի են ու տարբեր:  Հղիության ժամանակ բազմաթիվ խնդիրներ առաջացրած միոման, օրինակ, կարող է ծննդաբերությունից հետո այլև չանհանգստացնել: Բացի այդ, պայմանավորված արգանդի հետաճով, միոմայի դիրքը կարող է փոխվել:

Կարդացեք նաև

Ծննդաբերությունը և արգանդի միոման

Արգանդի միոման և հղիությունը

Արգանդի միոմա. պատճառներն ու բուժումը

Նյութն ըստ medportal.ru կայքի

Գովազդ