Հղի և իրենց խնամքին մինչև երեք տարեկան երեխա ունեցող կանանց աշխատանքային երաշխիքները հստակ են:
◾ Աշխատանքային օրենսգիրքն արգելում է հղի կամ իրենց խնամքին մինչև 1 տարեկան երեխա ունեցող կանանց ներգրավել արտաժամյա աշխատանքի մեջ առանց նրանց համաձայնության:
◾ Արգելվում է հղի կամ իրենց խնամքին մինչև 3 տարեկան երեխա ունեցող կանանց ներգրավել հերթապահության և գիշերային աշխատանքի մեջ առանց նրանց համաձայնության:
◾ Եթե հղի կինը աշխատաժամանակի ընթացքում բժշկական հետազոտության կարիք ունի, ապա գործատուն պարտավոր է թույլատրել, որպեսզի կինը գնա այդ հետազոտությանը՝ ընդորում պահպանելով միջին աշխատավարձը:
◾ Կանանց թույլատրվում է հղիության և ծննդաբերության արձակուրդից առաջ կամ հետո մինչև արձակուրդի համար նախատեսված, անընդմեջ աշխատանքի վեց ամիսը լրանալը վերցնել ամենամյա արձակուրդ:
◾ Չի թույլատրվում հղի կնոջն ազատել աշխատանքից գործատուի նախաձեռնությամբ հղիության վերաբերյալ տեղեկանքը գործատուին ներկայացնելու օրվանից մինչև հղիության և ծննդաբերության արձակուրդի ավարտը, մինչև դրանից հետո մեկ ամիսը լրանալը:
Տեղեկատվության աղբյուր՝ իրավաբան Արփինե Հովհաննիսյանի ինստագրամյան էջ