Կարող եմ հղիանալ, եթե կրծքով կերակրում եմ
Այո, միանգամայն հնարավոր է: Կրծքով կերակրելիս հավանական է, որ օվուլյացիա տեղի չունենա, բայց դա երաշխիք չի տալիս, որ չեք հղիանա: Չի բացառվում, որ օվուլյացիա տեղի ունենա անգամ այն ժամանակ, երբ դուք կրծքով կերակրում եք եւ դաշտանային ցիկլն էլ բացակայում է: Փաստորեն, կերակրող մայրն էլ պետք է հղիությունը
Կարող եմ հղիանալ, եթե դաշտանային ցիկլ չունեմ
Այո, կարող եք հղիանալ անգամ ցիկլի բացակայության պարագայում: Այնպես որ, եղեք զգոն նաեւ այդ դեպքում:
Կարող եմ հղիանալ, եթե ներլվացում կատարեմ
Այո, հնարավոր է: Ներլվացումը բացարձակ անարդյունավետ միջոց է հղիությունը կանխարգելելու համար: Սպերմատոզոիդները վայրկյանների ընթացքում հեշտոցով ներխուժում են արգանդափող եւ անհնար է այնքան արագ ցնցուղ ընդունել, որ դրանց մուտքը արգանդ կանխվի: Անգամ եթե սեքսից հետո անմիջապես ցողեք հեշտոցը, միեւնույն է, արդեն ուշ է որեւէ բան կանխել:
Կարող եմ հղիանալ, եթե սեքսից հետո միզեմ կամ ցնցուղ ընդունեմ
Այո, կարող եք հղիանալ, եթե սեքսից հետո միզեք կամ լոգանք ընդունեք: Երկու դեպքում էլ հնարավոր չէ դուրս մղել սպերմատոզոիդները:
Կարող եմ հղիանալ, եթե գազավորված ըմպելիքի օգնությանը դիմեմ
Իհարկե, կա տեսակետ, որ կոկա կոլան սպանում է սպերմատոզոիդները, բայց խորհուրդ չի տրվում դա անել, քանի որ կարող եք վնասել վերարտադրողական օրգանները: Նույնը վերաբերում է վագինալ դեզոդորանտներին: Դրանք նույնպես կարող են վնասակար լինել:
Շարունակելի
Աղբյուրը` http://www.babymed.com
