Հղիության և կրծքով կերակրելու ընթացքում անհրաժեշտ է հետևել սննդի անվտանգության հետևյալ կանոններին

Հղիություն

Հատկապես հղիության և կրծքով կերակրելու ընթացքում կանայք պետք է ուշադիր լինեն սննդի անվտանգությանը՝ սննդի միջոցով փոխանցվող վարակներից և սննդային թունավորումներից խուսափելու համար։

Հղիության ընթացքում որոշ մանրէներ և մակաբույծներ կարող են վտանգավոր լինել դեռ չծնված երեխայի համար։

 

Անհրաժեշտ է հետևել սննդի անվտանգության հետևյալ կանոններին․

 

  1. Խուսափեք հում կամ կիսաեփ ձու պարունակող սննդամթերքից․ ձվի և՛ սպիտակուցը, և՛ դեղնուցը պետք է լավ եփած լինեն։ Խուսափեք կրեմային հրուշակեղենից: Պատրաստելու դեպքում նախապես լվացեք ձուն։
  2. Մի՛ օգտագործեք տանը պահածոյացված մթերքներ։
  3. Խուսափե՛ք հում, չպաստերիզացված կաթից։
  4. Միսը և թռչնամիսը խնամքով ջերմային մշակման ենթարկեք։
  5. Միսը մի՛ պահեք փակ տարայում։ Աշխատեք մսամթերքը մի քանի անգամ չսառեցնել ու հալեցնել։ Մսի մշակումից հետո լվացե՛ք ձեռքերը և խոհանոցային պարագաները։
  6. Մանրակրկիտ լվացե՛ք մրգերը և բանջարեղենը։
  7. Սնունդը լա՛վ եփեք։ Այն կրկնակի տաքացնելու դեպքում համոզվե՛ք, որ բոլոր մասերը հասել են եռման աստիճանի։
  8. Վիտամինները պահպանելու համար բանջարեղենը եփե՛ք փոքր քանակությամբ ջրում, խուսափե՛ք գերեփելուց․ մթերքները խորհուրդ է տրվում շոգեխաշել կամ եփել միկրոալիքային վառարանում։
  9. Լոբազգիները եփելիս, նախ, այն թրջեք եփելուց առնվազն 4-5 ժամ առաջ, որից հետո ջուրը թափե՛ք, լվացե՛ք և սառը ջրով եփե՛ք նախընտրելի եղանակով։
  10. Ստուգե՛ք պիտանելիության ժամկետը սննդի փաթեթի վրա, ինչպես նաև պահպանման պայմանները։

 

Աղբյուրը՝ առողջապահության նախարարություն