Ինչպե՞ս փոքրիկին վարժեցնել գիշերային խոր քնի. կարևոր ուղեցույց 0-3 ամսական երեխաների ծնողների համար

Խնամք

Նորածինները, որպես կանոն, շատ են քնում`օրական մինչև 16-17 ժամ: Բայց կյանքի առաջին շաբաթներին շատ փոքրիկների դեպքում քունը կարճ է տևում՝ նրանք պարբերափար արթնանում, հետո նորից քնում են:  

Ինչու՞ է նորածինների քնի գրաֆիկն անկանխատեսելի

Փոքրիկի քնի ցիկլերը շատ ավելի կարճ են, քան մեծահասակներինը, և փոքրիկների՝ արագ (REM sleep) քունը ավելի երկար է տևում: Կա կարծիք, որ քնի այդ ժամանակամիջոցում երեխայի ուղեղը «կտրուկ» զարգանում է:

Ե՞րբ փոքրիկը կսկսի ավելի շատ քնել

6-8 շաբաթականում  փոքրիկները սկսում են ավելի տևական փուլերով քնել գիշերը և հակառակը՝ ցերեկը:  Թեև շատ փոքրիկներ դեռևս շարունակում են սնվելու նպատակով արթնանալ գիշերը:

Մասնագետների պնդմամբ՝ 4-6 ամսականում շատ փոքրիկներ գիշերը կարող են  քնել 8-12 ժամ: Պատահում է, որ այդ գրաֆիկով են քնում անգամ մինչև 6 ամսական փոքրիկները:

Եթե ցանկանում եք, որ ձեր փոքրիկը ևս ունենա քնի նախընտրելի գրաֆիկ, նրա մոտ վաղ հասակից քնի հետ կապված որոշակի սովորույթներ ձևավորեք:

Եվ այսպես.

  • Փոքրիկին ազատորեն քնով անցնելու հնարավորություն տվեք: Առաջին 6-8 շաբաթներում շատ երեխաներ ի վիճակի չեն արթուն մնալ ավելի, քան 2 ժամ: Եթե դուք ձգեք այդ ժամը, փոքրիկը կհոգնի և կդժվարանա քուն մտնել: 
  • Փոքրիկին սովորեցրեք ցերեկվա ու գիշերվա տարբերությունը: Որոշ փոքրիկներ գիշերային բուեր են (դրա մասին կարող էիք գլխի ընկնել նաև հղիության ընթացքում) և մի թեթև հպումից կարող են արթնանալ ու երկար ժամանակ արթուն մնալ: Բայց բավական է՝ փոքրիկը դառնա 2 շաբաթական, կարող եք սկսել սովորեցնել նրան տարբերել գիշերն ու ցերեկը: 
  • Երբ նա արթուն է ցերեկը, շփվեք ու խաղացեք նրա հետ այնքան, որքան կարող եք, տունը և հատկապես իր սենյակը պետք է լուսավոր պահեք: Մի' մտահոգվեք նաև աղմուկի համար.հեռախոսի, երաժշտության կամ, օրինակ, լվացքի մեքենայի ձայնը մի խլացրեք: Եթե նա կաթ ուտելիս ննջում է, փորձեք արթնացնել: 
  • Գիշերը, երբ արթնանում է, մի' խաղացեք փոքրիկի հետ: Լուսավորությունն ու աղմուկը նվազեցրե'ք: Սահմանափակե'ք նաև գիշերային զրույցները նրա հետ: Նա պետք է կամաց-կամաց գիտակցի, որ գիշերը քնելու համար է: 
  • Հետևեք փոքրիկի կողմից տրվող ազդակներին`տրորու՞մ է աչքերը, խաղու՞մ է ականջի հետ կամ սովորականից նվնվա՞ն է: Եթե դուք նկատում եք այս և քնկոտության այլ նշաններ, նրան պառկացրեք քնելու: Դուք շատ արագ կձևավորեք փոքրիկի քնի ժամերը ֆիքսելու բնազդ: 
  • Երեխայի մոտ քնի անցնելու «արարողակարգ» մշակեք, օրինակ`հագցրեք անկողնային հագուստ, օրորոցային երգեք, «բարի գիշեր»-ի համբույր տվեք:

 

Աղբյուրը`babycenter.com

Գովազդ