Պորտի վերքը/ պորտալարի մնացորդը հատուկ մշակման կարիք չունի: Պորտալարի մնացորդի խնամքը ենթադրում է երեք սկզբունքների պահպանում`
Մաքուր
- խուսափել պորտալարի մնացորդին անպատեհ դիպչելուց
- ապահովել հագուստի մաքրությունը
- պորտալարի մնացորդը ճիշտ պաշտպանել մեզից և կղանքից
- պորտալարի մնացորդի կեղտոտվելու դեպքում այն լվանալ մաքուր ջրով
Չոր
- պորտի մնացորդը պետք է պահել մաքուր և չոր
- լոգանքից անմիջապես հետո մաքուր չոր սրբիչով չորացնել
- պորտալարի մնացորդի չորացման ընթացքում կարող է լինել արյունային կամ շճա-արյունային քիչ քանակությամբ արտադրություն
Բաց
- հնարավորինս բաց պահել պորտի վերքը/պորտալարի մնացորդը
- տակդիրը հագցնել այնպես, որ այն պորտի մակարդակից ցածր լինի
- հագցնել երեխային այնպես, որ հագուստը չսեղմի կամ աննշան հպվի պորտալարի մնացորդին
- չծածկել պորտային վերքը կպչուն սպեղանիով կամ վիրակապով
Դիմել բժշկի, եթե
- պորտալարի մնացորդից վատ հոտ է գալիս
- պորտալարի մնացորդի շուրջն այտուցված է, կարմրած կամ թարախակալված
Աղբյուրը՝ «Նորածինների խնամքը» ուղեցույց