Բաներ, որոնք չի կարելի երեխային պարտադրել անել /մաս 2-րդ/

Դաստիարակություն

Նախորդ հրապարակման մեջ անդրադարձանք նրան, որ որքան էլ կողմնակից լինեք խստության երեխայի դաստիարակության գործում, կան բաներ, որոնք ոչ մի պարագայում չի կարելի պարտադրել, որ փոքրիկն անի: Ստորև շարունակում ենք ներկայացնել «չի կարելի»-ների շարքը ծնողների համար:

Իսկ նյութի 1-ին մասը կարդալու համար հետևեք հղմանը` Բաներ, որոնք չի կարելի երեխային պարտադրել անել:

5. Ընկերություն անել նրանց հետ, ում չի հավանում: Անգամ եթե մյուս երեխայի մայրիկի հետ լավագույն ընկերուհիներ եք, դա չի նշանակում, թե ձեր երեխաներն էլ պետք է ընկերներ լինեն:

Նախորդ հրապարակման մեջ անդրադարձանք նրան, որ որքան էլ կողմնակից լինեք խստության երեխայի դաստիարակության գործում, կան բաներ, որոնք ոչ մի պարագայում չի կարելի պարտադրել, որ փոքրիկն անի: Ստորև շարունակում ենք ներկայացնել «չի կարելի»-ների շարքը ծնողների համար:

Իսկ նյութի 1-ին մասը կարդալու համար հետևեք հղմանը` Բաներ, որոնք չի կարելի երեխային պարտադրել անել:

5. Ընկերություն անել նրանց հետ, ում չի հավանում: Անգամ եթե մյուս երեխայի մայրիկի հետ լավագույն ընկերուհիներ եք, դա չի նշանակում, թե ձեր երեխաներն էլ պետք է ընկերներ լինեն: Եթե մանկիկը չի ուզում այդ երեխայի հետ ընկերություն անել, մի ստիպեք: Ձեր ընկերուհու հետ գնումների, սրճարան, կինոթատրոն գնացեք, իսկ երեխային թույլ տվեք ընկերություն անել իր նախընտրած երեխաների հետ:

6. Կտրուկ փոխել սովորույթները: Կապ չունի, խոսքը շշից, ծծակից հրաժարվելու, առանձին մահճակալում կամ ինքնուրույն քնելու, թե այլ բանի մասին է:  Ցանկացած փոփոխության համար երեխան պետք է հասունանա և աստիճանաբար պատրաստվի:  Ուստի նոր իրավիճակներին անցումը պետք է կատարվի սահուն և աստիճանաբար:

7. Երեխային ստիպել, որ խիստ դիետա պահի: Չի կարելի երեխային ստիպել, որ պաս պահի կամ պատժել սննդով: Այո, երեխան կարող է քաշի ավելցուկ ունենալ, բայց պետք չէ դրա համար երեխային մշտապես արգելել կոնֆետ կամ չիպս ուտել:  Ինչպես հայտնի է, արգելված պտուղն ավելի քաղցր է:  Եթե ուզում եք  սահմանափակել կամ արգելել երեխայի համար ոչ օգտակար մթերքների կիրառումը, ապա  դրանցից տանը մի պահեք, ավելորդ անգամ նրան մի գայթակղեք:  Երեխային պացատրեք, թե ինչ սկզբունքով պետք է սնվի, սակայն կտրուկ արգելեք  այդ մթերքների վրա մի դրեք, իհարկե, եթե խոսքը ալերգիայի ծանր տեսակի մասին չէ:

7. Ստիպել, որ երեխան քնի իր համար ոչ հարմարավետ վայրում:  Որոշ երեխաներ չեն կարողանում քնել անծանոթ միջավայրում,  ոչ իրենց անկողնում: Նման դեպքերում մի ստիպեք, որ երեխան մնա սիրելի տատիկի կամ այլ հարազատի տանը: Իսկ եթե ուզում եք ազատ երեկո ունենալ, խնդրեք տատիկին, որ մնա Ձեր տանը:

9. Անել այն, ինչ իր մոտ վատ է ստացվում: Իհարկե,  մեկ ձախողումով երեխան չպետք է հանձնվի, խոսքը թուլակամությանը տուրք տալու մասին չէ: Սակայն երբ բազմաթիվ փորձերից հետո երեխայի մոտ ինչ-որ բան չի ստացվում, մի ստիպեք շարունակել (օրինակ, եթե երեխայի մոտ այդպես էլ չի ստացվում ֆուտբոլ խաղալ և նա ատում է այն, մտածեք այլ սպորտաձևի մասին, անգամ եթե երազում եք ֆուտբոլիստ երեխա ունենալու մասին):  Անվերջանալի ձախողումները երեխայի  մոտ առաջացնում են անհաջողակի կոմպլեքս: Եվ հակառակը, անգամ փոքր հաջողությունը ոգևորում է երեխային և դրդում ավելի ջանասիրաբար աշխատել: Թույլ տվեք, որ երեխան ինքն ընտրություն կատարի:

Բոլոր դեպքերում հիշեք, որ Ձեր երեխան միայն ՁԵՐ-ը չի, այլ նաև անհատականություն է:  Որքան շուտ երեխան սովորի ինքնուրույն որոշումներ կայացնել, այնքան ավելի շուտ կսովորի պատասխանատու լինել իր արարքների համար:

Հաջողություն Ձեզ Ձեր երեխայի դաստիարակության գործում:

 

Նյութն ըստ myjane.ru կայքի

Գովազդ