Երբ և ինչպես սովորեցնել փոքրիկին գույները

Ե՞րբ սկսել փոքրիկին սովորեցնել տարբերակել գույները

Այդ հարցը հուզում է բազմաթիվ ծնողների: Փոքրիկին գույները  պետք է սովորեցնել սկսած ծնված օրվանից՝ անվանակոչելով ոչ միայն իրեն շրջպատող առարկաները, այլ նաև գույները: Օրինակ՝  «Նայի'ր, սպիտակ շունիկ է», «Նայի'ր, կապույտ մեքենա անցավ»  կամ «Արի միասին դնենք կանաչ խորանարդը դեղինի վրա» և այլն:

Որպեսզի փոքրիկն  ավելի լավ տարբերի  գույները, անհրաժեշտ է  կիրառել խաղեր:

Խաղ 1

Գերազանց տարբերակ են գունավոր ֆլոմաստերները: Տվեք նրան, օրինակ՝  կապույտ  ֆլոմաստեր և հանձնարարեք, որպեսզի ինչ-որ բան նկարի: Ասեք նրան, որ սա կապույտ գույնի  ֆլոմաստեր է և ավելացրեք, որ կապույտ գույնի  կարող է լինել նաև երկինքը (մատնացույց անելով երկինքը), ծովը (պատմելով ծովի մասին) և հայրիկի սիրելի վերնաշապիկը (պահարանից հանեք վերնաշապիկը և ցույց տվեք փոքրիկին):

Վերցրեք երեք գույնի  ֆլոմաստերների գլխիկները, որոնցից մեկը կապույտ պետք է լինի: Խնդեք փոքրիկին  ընտրել կապույտ ֆլորամստերի գլխիկը:

Առաջին անգամ Դուք նրան օրինակ կծառայեք, այնուհետև նա կշարունակի  այդպես նաև մյուս գույները տարբերակել:

Խաղ 2

Հիանալի միջոց են նաև ավազի հետ խաղալու բազմագույն տարաները  և կոճակները: Խնդրեք փոքրիկին յուրաքանչյուր գույնի կոճակը դնել համապատասխան գույնի տարայի մեջ: Չմոռանաք նշել գույները:

Խաղ 3

Գունավոր թղթերից կտրում ենք քառակուսիներ և եռանկյունիներ: Այդ քառակուսիներով և եռանկյունիներով կառուցում ենք տնակներ: Քառակուսու և եռանկյունու գույները պետք է համապատասխանեն: Այնուհետև ուժեղ քամի է տեղի ունենում և տնակը փլվում է: Առեաջարկեք փոքրիկին, որպեսզի  կառուցի  տնակը ճիշտ գույներով: Դրա հետ մեկտեղ թող նա թվարկի գույները: Կամ Դուք կարող եք խմբավորել՝ տանիքը դեղին, պատերը՝ կանաչ  և այդպես շարունակ:

Հարկավոր է այդպես խաղալ ամեն օր: Մի կրկնեք այն  առարկաները, որոնցով արդեն խաղացել եք: Անհրաժեշտ է փոփոխել և օգտագործել նորերը, որպեսզի փոքրիկը չհիշի գույները ըստ առարկաների:

Կարևոր է՝

• Պետք չէ սահմանափակել սովորած գույների քանակը:
• Պետք չէ գույները սովորեցնել ըստ հերթականության:
• Գույներն  արտասանեք ճիշտ և հստակ: Պետք չէ ավելացնել փաղաքշական վերջավորություններ, օրինակ՝  կարմրիկ:
• Անվանեք նաև  երանգները, օրինակ, պետք չէ կապույտին և երկնագույնին անվանել կապույտ, այլապես փոքրիկը չի հասկանա, թե ինչու են տարբեր գույներին նույն անունը տալիս:
• Մի ստիպեք, որ  նա անվանի գույները: Դա նրա կարող է դեռ դժվար լինել:  Բավական է, որ նա մատնանշի Ձեր ասած գույնը:
• Ժամանակ առ ժամանակ խնդրեք փոքրիկին Ձեզ տալ  կարմիր գնդակը, կապույտ մեքենան,սպիտակ արջուկին և այլն:
• Գունազարդում. օգնեք նրան ներկել նկարը համապատասխան գույներով՝ երկինքը` կապույտ, խոտը` կանաչ  և այլն: