Ի՞նչ մածուկով պետք է խոզանակել փոքրիկի ատամները եւ ինչպե՞ս խնամել լեզուն

Խնամք

Հարկավո՞ր է, արդյոք,  մաքրել լեզուն

Շատ կարևոր է հետևել, որ երեխայի լեզուն չծածկվի սպիտակ շերտով, սակայն եթե  արդեն նկատել եք սպիտակ կաթանման շերտ, հարկավոր է շատ զգուշորեն հեռացնել այն ստերիլ բինտի  և ատամի խոզանակի միջոցով:   Եթե այն չի անցնում, հարկավոր է դիմել բժշկի:

Եթե փոքրիկի ատամները սկսում են դեղնել, դա կարող է ստամոքսա-աղիքային հիվանդության նշան լինել:

0-3 տարեկան փոքրիկների ատամները հարկավոր է մաքրել առանց ֆտորի մածուկներով, որպեսզի հանկարծակի կուլ տալու դեպքում չվնասի առողջությանը:

3-5 տարեկան երեխաները սովորաբար գիտեն, որ ատամի մածուկը կուլ տալ չի կարելի, և նրանց համար կարելի է ընտրել տարիքին համապատասխան մածուկ՝ առանց  նատրիումի և գունավորող բաղադրիչների: Ծնողների հետ նույն ատամի մածուկից օգտվել թույլատրելի է միայն 14 տարեկանից:

Ի՞նչ անել, երբ երեխան հրաժարվում է խոզանակել ատամները

Որպեսզի երեխան սիրով և ժամանակին խոզանակի ատամները,  հարկավոր է նրան բացատրել դրա անհրաժեշտությունը: Այդ հարցում մեծ դեր կարող են ունենալ ծնողները և ատամնաբույժը: Դա կարելի է անել նաև խաղի միջոցով, օրինակ՝ դնելով ավազե 3  րոպեանոց ժամացույց, կարելի է մրցույթ կազմակերպել,  թե ով առաջինը  կվերջացնի:

Նյութը՝ ըստ mama.ru կայքի

Գովազդ