Նշաններ, որոնց դեպքում պետք է շտապ բժշկի դիմել-2

Խնամք

Առաջին մասը կարդացեք այստեղ:

Եթե երեխայի քաշը չի ավելանում նորմային համապատասխան, հարկավոր է խորհրդակցել բժշկի կամ բուժքրոջ հետ: Երբեմն քաշի ավելացման դանդաղ տեմպերը թաքնված հիվանդության հետևանք են:

Ըստ Արաբկիր մանկական պոլիկնիլիկայի մանկաբույժ Նաիրա Գինոյանի, նորածին երեխաների մոտ առաջին երեք ամիսներին լինում են ոչ թե հիվանդություններ, այլ ֆիզիոլոգիական վիճակներ:

Դրանցից են շեքի դերմատիտը /շքաբորբ/, խալեր և ցան, գլխի մաշկախտ /էկզեմա/,  փորացավ կապված մոր սննդի և շրջակա միջավայրին հարմարվելու հետ, աչքի և ականջի ցավերը:

 

Առաջին մասը կարդացեք այստեղ:

Եթե երեխայի քաշը չի ավելանում նորմային համապատասխան, հարկավոր է խորհրդակցել բժշկի կամ բուժքրոջ հետ: Երբեմն քաշի ավելացման դանդաղ տեմպերը թաքնված հիվանդության հետևանք են:

Ըստ Արաբկիր մանկական պոլիկնիլիկայի մանկաբույժ Նաիրա Գինոյանի, նորածին երեխաների մոտ առաջին երեք ամիսներին լինում են ոչ թե հիվանդություններ, այլ ֆիզիոլոգիական վիճակներ:

Դրանցից են շեքի դերմատիտը /շքաբորբ/, խալեր և ցան, գլխի մաշկախտ /էկզեմա/,  փորացավ կապված մոր սննդի և շրջակա միջավայրին հարմարվելու հետ, աչքի և ականջի ցավերը:

 

 

Խալեր և ցան

Շատ երեխաների մաշկի վրա կարող է կարճատև ցան առաջանալ: Ավելի հաճախ նորածինների մոտ ի հայտ եկած  ցանը  կյանքի առաջին շաբաթում անհետանում է. դա որևէ հիվանդության ախտանշան չէ: Սակայն ցանը կարող է նաև վտանգավոր լինել:

Ախտանիշերը: Կարմիր խալեր` կետի պես վառ կենտրոնով, ցանը հայտնվում է փոքրիկի մարմնի տարբեր մասերում:

Մանկաբույժի խոսքերով հարկավոր է շտապ բժիշկ կանչել, եթե խալերը համաչափ մուգ կարմիր կամ ծիրանագույն են /կետային արյունազեղումներ/, կենտրոնում թարախապալարիկներ են հայտնվել:  Նման ցանը կարող է վարակիչ լինել:

Շեքի դերմատիտ  /շքաբորբ/

Շեքի դերմատիտը երեխայի շեքի մաշկի բորբոքումն է: Մանկաբույժը առաջացման պատճառներից նշում է  երեխային կեղտոտ տակաշորի մեջ երկար պահելը ինչպես նաև տակաշորերը լվանալու ժամանակ օգտագործված մաքրող նյութերը:

Գինոյանն ասում է, որ երեխայի հագուստ չի կարելի լվանալ կենսանյութեր պարունակող լվացքի փոշիներով, ինչպես նաև հարկավոր է լավ պարզաջրել: Իսկ բորբոքային մասերին պետք է քսել բժշկի խորհուրդ տված դեղամիջոցները:

Բորբոքային մասերի առրակության դեպքում պետք է ավելացնել օդային լոգանքների ժամանակը, որպեսզի օդը չորացնի երեխայի մաշկը: Չի կարելի սինթետիկ  մանկական վարտիքներ հագցնել փոքրիկին մինջև ցանի անցնելը:

Ախտանիշերը: Բորբոքում ու կարմրություն շեքում, երեխայի տակաշորերից ամոնյակի հոտ է գալիս: Մանկաբույժը խորհուրդ է տալիս կանչել բժշկի,  եթե ցանը մնում է երկու օրից ավելի:

 

Շարունակելի

 

Լիանա Հովհաննիսյան, Անի Ասատրյան

Գովազդ