Ձեր տանը հայտնվել է նորածին, որն ունի իր մահճակալը, սակայն գիշերը քնում է ծնողների հետ:
Այսօր նմանատիպ իրավիճակը շատ հանդիպվող է և ունի մեկ բացատրություն` մայրիկներին այդպես շատ ավելի հարմար է կերակրել փոքրիկին և հետևել նրան քնի ժամանակ: Հարկ չկա ամեն անգամ տեղաշարժվել, մոտենալ մահճակալին, մայրիկը այդպես ավելի լավ է քնում, բացի այդ փոքրիկը , որը մինչ 9 ամիսների ընթացքում սովորել է մայրիկի հետ սերտ շփմանը, այդպես ավելի հանգիստ է զգում:
Սակայն կա հարցի այլ կողմ, հնարավոր է, որ մահճակալը, որում քնում են ամուսինները, նեղ է և հայրիկներն ու մայրիկները չեն կարողանում թուլանալ և հանգստանալ, երբ նրանց կողքը քնած է փոքրիկը , քանի որ հնարավոր է վնասեն նրան: Բացի այդ, տուժում են ամուսինների սեռական հարաբերությունները:
Ինչպե՞ս ճիշտ վարվել: Գուցե հարկավոր էր ի սկզբանե փոքրիկին սովորեցնոլ մենակ քնելուն: Իսկ եթե նա քնում է ծնողների հետ, ապա ե՞րբ է հարկավոր նրան հետ վարժեցնել դրանից:
Այս հարցի շուրջ մասնագետների կարծիքները բազմազան են: Մի մասը կարծում է , որ միասնական քունը փոքրիկի մոտ առաջացնում է մեծ կախվածություն ծնողներից և խոչընդոտում է առանձին քնելու սովորության ձևավորմանը: Մյուս մասը, ընդհակառակը, պնդում է , որ միասնական քունը նպաստում է ամուր ընտանիքի ձևավորմանը:
Սակայն գոյություն ունեն մի քանի կանոններ, որոնց պետք է հետևեն ծնողները , եթե փոքրիկը գտնվում է նրանց հետ: Առաջինը, անկողինը և մահճակալը պետք է լինի անվտանգ, ալերգիա կան գրգռվածություն չառաջացնող: Երկրորդ` եթե հայրիկը կամ մայրիկը ծխում են կամ օգտագործում են ալկոհոլ, ապա անհրաժեշտ է փոքրիկին առանձնացնել: Երրորդ` երեխայի շուրջը չպետք է լինեն անցքեր, որտեղ նա կարող է սահել և ընկնել:
Որպես կանոն կրծքով կերակրվող փոքրիկները քնում են մայրիկիների կողքին, քանի որ այդպես ավելի հեշտ է կերակրել: Սկսած 1,5 տարեկանից փոքրիկները սկսում են կամակորություն անել և ծնողների անկողին վազել, քանի որ այս շրջանում նրանց մոտ առաջանում է մթության հանդեպ վախ: Փոքրիկին ամեն բան կարող է վախեցնել` լամպերի ստվերը և անկյունում դրված իրը: Եթե անգամ փոքրիկը միշտ առանձին է քնել, ապա այդ տարիքում նրա մոտ կարող են առաջանալ նմանատիպ երևույթներ: Որպես կանոն փոքրիկները, որոնք 1,5 տարեկանից են սկսել քնել ծնողների հետ , մնում են այնտեղ շատ ավելի երկար:
Ի՞նչ կարող են անել ծնողները նման պատագայում: Կարելի է վարվել այսպես` թող փոքրիկը քնի ծնողների անկողնում, հետո նրան տեղափոխեք իր անկողին:
Կարելի է ձեռք բերել նոր մահճակալ, մանկիկի համար գեղեցիկ անկյուն սարքել , որպեսզի նա այնտեղ իրեն լավ զգա, նաև իրեն զգա այդ ամենի տերը:
Եթե փոքրիկը վախենում է մթությունից, ապա հարկավոր է գիշերային լույս վառել սենյակում: Նա այդպես լավ կքնի:
Եթե այս ամենը ցանկալի արդյունք չի տալիս, հուսահատվել պետք չէ: Հոգեբանները պնդում են, որ փոքրիկին ծնողների անկողնուց հանելու լավագույն տարիքը 3 տարեկան հասակն է: Ժամանակի ընթացքում, երբ նա իրեն ավելի ինքնուրույն զգա, ամեն բան ինքնըստինքյան կստացվի:
Նյութն ըստ myochag.ru կայքի