Ձվածեղ կարտոֆիլով` մեկ և բարձր տարիքի երեխաների համար

Հարկավոր է

Հավի ձու-3 հատ,

Կարտոֆիլ- 150 գրամ,

Կաթ- 3 ճաշի գդալ,

Պանիր- 20 գրամ:

Պատրաստման եղանակը

Ձվածեղը պատրաստելու համար նախ հարկավոր է լվանալ կարտոֆիլը և խաշել կեղևով: Ապա կեղևը մաքրել, կարտոֆիլն անցկացնել խոշոր քերիչով: Լցնել տարայի մեջ, որ կարող եք ջեռոց դնել:

Ձուն հարել, ավելացնել մի պտղունց աղ, ավելացնել կաթը, խառնել և լցնել կարտոֆիլի վրա: Վրայից ցանել քերած պանիրը:

Ձվածեղը եփել ջեռոցում մինչև պատրաստ լինի կամ շոգեեփում մոտ 30 րոպե: Պատրաստի ձվածեղը մատուցել թթվասերով: Կարելի է այն զարդարել գինձի տերևով:

Բարի ախորժակ: