Յոգուրտով թխվածքաբլիթ երեխաների համար

 Ինչպես պատրաստել

Ջեռոցը տաքացնել մինչև 180 աստիճան: Սենյակային ջերմաստիճանում փափկեցրած կարագը հարել յոգուրտի, շաքարավազի, աղի և վանիլինի հետ: Այնուհետև ավելացնել ալյուրը և ստանալ խմոր: Եթե խմորը ստացվել է ջրիկ, հարկավոր է  ավելացնել ալյուր:

Խմորը հարկավոր է բացել, հարթեցնել մինչև 0.7-1.0 սմ բարակությամբ և կտրատել թխվածքաբլիթների ձևավոր սարքով: Կարելի է կտրատել նաև բաժակով կամ դանակով քառակուսիներ և եռանկյունիներ անել: Խմորը պետք չէ բացել շատ բարակ, քանի որ թխվածքաբլիթը կլինի չոր և պինդ:

Թխվածքաբլիթները հարկավոր է դասավորել թխելու համար նախատեսված թերթիկի վրա և թխել 15-20 րոպե, մինչև դառնա ոսկեգույն:

Բարի ախորժակ