Սննդային թունավորումներն առաջանում են այն ժամանակ, երբ թույնը սննդի միջոցով ներթափանցում է օրգանիզմ։
Սննդային թունավորումների պատճառները կարելի է բաժանել 3 տեսակի․
- Վարակներ՝ մանրէներ, վիրուսներ։
- Տոքսիններ, որոնք պարունակում են բույսերն ու կենդանիները, օրինակ՝ թունավոր սնկեր, ուտելու համար ոչ պիտանի կամ սխալ պատրաստված միս։
- Թույներ, որոնք սննդի սխալ մշակման հետևանքով են առաջանում։
Ուշադրություն
Սննդային թունավորման առաջին նշանները հիմնականում ի հայտ են գալիս սննդի օգտագործումից հետո՝ 48 ժամվա ընթացքում։ Նշաններն են՝ ստամոքսաղիքային տրակտի խանգարում, սրտխառնոց, լուծ, փսխում, սուր ցավ ստամոքսում։
Անհրաժեշտ է դիմել բժշկի, եթե ախտանշանները
- առկա են 3 տարեկանից փոքր երեխաների մոտ
- ուղեկցվում են մարմնի բարձր ջերմաստիճանով
- տևում են 2 օրից ավելի
- առկա են նաև տան մյուս անդամների մոտ։
Առանց վարանելու և որքան հնարավոր է արագ պետք է դիմել բժշկի, եթե
- թունավորման պատճառը սունկն է,
- երեխան չի կարողանում ջուր խմել փսխելու ռեֆլեքսի պատճառով, ինչպես նաև․
- առարկաները կրկնակի է տեսնում
- խոսքը խանգարված է
- առկա է կուլ տալու հետ կապված դժվարություն
- առկա է մկանային թուլություն
- մաշկը դեղնել է
- հոդային հատվածներում առկա է այտուցվածություն
- մաշկի վրա առաջացել են բծեր
- չի ցանկանում միզել 6 ժամից ավելի կամ մեզը շագանակագույն է
- փսխելուց նկատվում է արյուն։
Օգնություն
- Եթե ախտանշանները հայտնվել են ուտելուց 30 րոպե հետո, սակայն երեխան չի փսխում, առաջացրեք արհեստական փսխում։ Դրա համար անհրաժեշտ է․
- երեխային 1-2 բաժակ ջուր տալ, որից հետո պինդ բռնել երեխային, իսկ մյուս ձեռքի մատով փորձել խորը մտցնել բերանը, որպեսզի առաջանա փսխելու ռեֆլեքս
- Մատը կարելի է փոխարինել գդալի պոչով, որով պետք է սեղմել լեզվի արմատը։
- Ախտանշանների ի հայտ գալուց հետո երեխային մի կերակրեք
- Ջուր տվեք երեխային և հետևեք այս կանոններին․
- ջուրը պետք է մոտավոր լինի երեխայի մարմնի ջերմաստիճանին,
- փսխումն առաջացնում է ստամոքսի կծկում, հետևաբար երեխային ջուր տվեք, սակայն քիչ՝ կում-կում։
- Զանգահարեք Ձեր բժշկին և նկարագրեք իրավիճակը, նա ավելի հստակ և ճիշտ կասի՝ ինչ է անհրաժեշտ Ձեր երեխային։
Միջոցներ՝ սննդային թունավորումից խուսափելու համար
- Սովորեցրեք երեխաներին մշտապես լվանալ ձեռքերը
- Ստեղծեք մաքուր միջավայր, խոհանոցային պարագաները լվացեք ամանի հեղուկով և տաք ջրով
- Ճաշ պատրաստելուց առաջ, ընթացքում և հետո լվացեք ձեռքերը
- Եթե Ձեր ձեռքերին կան վերքեր, ճաշ պատրաստելուց առաջ անպայման հատուկ միջոցներով փակեք դրանք կամ օգտագործեք ձեռնոցներ
- Պարբերաբար փոխեք աման լվանալու համար նախատեսված սպունգը
- Ափսեները սրբելու համար օգտագործեք մեկանգամյա օգտագործվող անձեռոցիկներ կամ հաճախակի փոխեք սրբիչը։
- Հետևեք, որպեսզի միսը լավ եփվի
- Միսը և ձուկը սառեցրեք մեկ անգամ
- Հետևեք սննդի, հատկապես կաթնամթերքի պիտանելիության ժամկետներին
- Եթե սննդի հոտը Ձեզ մոտ չնչին կասկածներ է առաջացնում, մի օգտագործեք այն
Աղբյուրը՝ komarovskiy.net