Ջրծաղիկը վերջին տարիներին Հայաստանում գլուխ է բարձրացել:
Այս մասին«Արմենպրես»-ի հետ զրույցում ասաց հանրապետության գլխավոր համաճարակաբան Արա Ասոյանը:
Նրա խոսքով` այս տարի հատկապես ձմռան ամիսներին ջրծաղիկի դեպքերն ավելացել են:
«Այս պահին հստակ թվային տվյալներ չկան, թե հանրապետությունում քանի մարդ է ջրծաղիկով վարակվել, քանի որ ոչ բոլորն են դիմում հիվանդանոց. շատերը զբաղվում են ինքնաբուժությամբ»,-ասաց Ասոյանը:
Ջրծաղիկի գաղտնի շրջանը 10-21 (հաճախ` 14) օր է: Հիվանդությունը սկսվում է
Սովորաբար, բուժումը կատարվում է տնային պայմաններում, սակայն նշանակում է բժիշկը: Քանի որ հիվանդության վարակելիության աստիճանը բարձր է, հիվանդին անհրաժեշտ է շտապ մեկուսացնել: Հարկավոր է հետեւել ձեռքերի մաքրությանը եւ եղունգները կարճ կտրել: Բշտիկների չորացումն արագացնելու նպատակով անհրաժեշտ է քսել ադամանդականաչի 1 %-անոց սպիրտային լուծույթ կամ կալիումի գերմանգանատի 1-2 %-անոց լուծույթ: Չի կարելի մաշկը քորել. դա հանգեցնում է սպիների առաջացման: Բարդությունների առաջացման դեպքում խորհուրդ է տրվում հիվանդին հոսպիտալացնել:
