Այս բլիթը պատրաստելու համար շատ բան հարկավոր չէ: Հիմնական բաղադրիչները կարտոֆիլն ու պանիրն են: Ըստ նախընտրության՝ կարելի է համեմունքներ ավելացնել: Կարտոֆիլը, ի դեպ, պարունակում է B եւ C խմբի վիտամիններ:
Ինչ է հարկավոր
- Խաշած կարտոֆիլ – 500 գրամ
- Հավկիթ – 1 հատ
- Պանիր - 100 գրամ
- Ալյուր - 2 ճ.գ.
- Աղ – ըստ ճաշակի
- Սամիթ
Ինչպես պատրաստել
- Կարտոֆիլը խաշել, պատրաստել պյուրե, հովացնել
- Ավելացնել հավկիթն ու մանր քերիչով անցկացրած պանիրը
- Ավելացնել ալյուրը, աղը, կտրատած սամիթն ու խառնել
- Պատրաստի խյուսը վերածել 8-10 մմ բարձրությամբ հետաքրքիր պատկերների ու դնել տաքացրած ու ձեթով շփած թավայի մեջ: Եփել երկու կողմերն էլ այնքան, որ դառնա բաց ոսկեգույն:
Եթե բլիթներն ունեն երկրաչափական պատկերների տեսք, ապա կարող եք ափսեի մեջ տնակ կառուցել: Այն հաստատ կզվարճացնի փոքրիկին: Կարող եք մատուցել բանջարեղենով եւ թթվասերով:
Բարի ախորժակ
