«Կարելի՞ է ներկել մազերը հղիության ընթացքում »-«Իմ փոքրիկ»-ին ուղղված այս եւ մյուս հարցերի պատասխանները

Հարց/Պատասխան

«Իմ փոքրիկ»-ի ընթերցողների հարցերին պատասխանել է «Շենգավիթ» ԲԿ-ի մանկաբարձ-գինեկոլոգ Աննա Տողրամաջյանը:

Արմինե

Հարց: Բարև ձեզ,  մի հարց՝ հնարավո՞ր է  դաշտանի ընթացքում հարաբերություն ունենալ եւ  հղիանալ, եթե աղջիկը կույս է և սերմնահեղուկ հեշտոցին չի եղել:

«Իմ փոքրիկ»-ի ընթերցողների հարցերին պատասխանել է «Շենգավիթ» ԲԿ-ի մանկաբարձ-գինեկոլոգ Աննա Տողրամաջյանը:

Արմինե

Հարց: Բարև ձեզ,  մի հարց՝ հնարավո՞ր է  դաշտանի ընթացքում հարաբերություն ունենալ եւ  հղիանալ, եթե աղջիկը կույս է և սերմնահեղուկ հեշտոցին չի եղել:

 

Պատասխան: Հարգելի Արմինե, Ձեր հարցն անհասկանալի է: Դաշտանի ընթացքում հղիանալու հավանականություն կա, բայց փոքր է: Իսկ ի՞նչ նկատի ունեք՝ ասելով հարաբերություններ ունենալ և կույս լինել:

Հասմիկ

Հարց: Բարև Ձեզ:  Ես պսորիազ ունեմ, ամուսինս էլ բուժվել է մաշկային քաղցկեղ (հիվանդության անունը կոնկրետ չեմ հիշի հիմա): Ինձ կասե՞ք, թե  ոնց ու ինչ անենք, որ մեր երեխան, որին պլանավորում ենք ունենալ, մաքսիմալ հեռու լինի մաշկային հիվանդություններից: Ու որքա՞ն է ժառանգականության հավանակությունը: Կանխավ շնորհակալություն:

Պատասխան: Պսորիազը և քաղցկեղը վերջնականապես պարզաբանված և բացահայտված հիվանդություններ չեն հանդիսանում: Պսորիազի զարգացման գործընթացում մեծ է ժառանգականության դերը և ներկայիս բժշկությունը հակված է ուսումասիրելու ժառանգականության դերը:  Իսկ մաշկի քաղցկեղի դեպքում  կարելի է ասել հակառակը:

 

Գոհար

Հարց: Բարև Ձեզ: 34 տարեկան եմ, փոքրիկիս ունենալուց հետո ( նա հիմա 3 տարեկան է)  դաշտանս անկանոն է դարձել, վերջին անգամ էլ սկսվեց 3 ամիս ընդհատումով` hաճախ նաև քիչ քանակով: 1 տարի է, ինչ կրծքով չեմ կերակրում: Սոնոգրաֆիկ հետազոտությունից պարզվեց, որ ֆոլիկուլյար կիստա ունեմ: Ի՞նչ պետք է անեմ:

Պատասխան: Հարգելի Գոհար,  ձեզ անհրաժեշտ են հորմոնալ հետազոտույուններ, ինչպես նաև բորբոքային խնդիրների հերքում: Դաշտանի անկանոնությունները հետծննդաբերական շրջանում կապված են հորմոնալ դիսբալանսի հետ: եթե ունեք հետազոտություններ,  ուղարկեք ինձ:

 

Մարի

Հարց: Բարև ձեզ,  խնդրում եմ ասեք՝ կարո՞ղ է հետ թեքված արգանդն անպտղության հանգեցնի:

Պատասխան: Հարգելի Մարի, նորմայում բոլոր կանանց արգանդներն ունեն որոշակի դիրք, հետ թեքված, առաջ թեքված: Եթե ձեր դեպքում չկա խիստ արտահայտված ախտաբանություն, անհանգստանալու կարիք չկա:

 

Աննա

Հարց: Բարև ձեզ: Խնդրում եմ պատասխանեք. ես հղիության 16-րդ շաբաթում եմ: 13 շաբաթականում երեխայիս օձիգային տարածությունը -0,28 է: Խնդրում եմ, ասեք՝ նորման ինչքա՞ն է, ու արդյոք վտանգավո՞ր է: Նախապես շնորհակալ եմ։

Պատասխան: Հարգելի Աննա,  անհարժեշտ է կրկնակի կոնսուլտացիա: Դա դեռևս ոչինչ չի նշանակում: Ցանկալի է կրկնեք ՈՒՁՀ-ն և ավելի ուշ հանձնեք սկրինինք թեստ, որն ավելի մեծ ինֆորմացիա կտա:

 

Շուշաննա

Հարց: Բարև ձեզ,  իմ հարցն է՝ հղիության դեռեւս առաջին ամսում եմ: Արդյո՞ք կարելի է ներկել մազերը և կարելի է լցնել եղունգները: Եւս մեկ հարց՝ ինձ մոտ սուր ծակոցներ կան որովայնի հատվածում հատկապես գիշերները: Շնորհակալություն

Պատասխան: Հարգելի Շուշան, ներկայում կան նյութեր, որոնք անվնաս են, իսկ ծակոցների հետ կապված կատարեք ՈՒՁՀ, միգուցե ունեք վիժման վտանգ և անհրաժեշտ է դեղորայքի ընդունում:

 

Կիմա

Հարց: Բարև ձեզ: Ես 19 շաբաթական հղի եմ, 6-12 շաբաթական հղիության ընթացքում ունեցել եմ հեմատոմա, հիվանդանոցում բուժում ստանալուց հետո հեմատոման փակվել է: Կցանկանայի իմանալ` կարելի՚ՙ է ինձ ինքնաթիռ նստել: Նախապես շնորհակալություն:

Պատասխան: Հարգելի Կիմա, ձեր հարցին կարող է պատասխանել միայն ձեզ հսկող բժիշկը , քանի որ գոյություն ունեն շատ հանգամանքներ,  որ պետք է իմանալ: