Ինչպես խնամել փոքրիկի մազերը

Խնամք

Երեխայի գլուխը լվացեք՝ ըստ անհրաժեշտության: Շամպուն օգտագործեք շաբաթական 1-2 անգամ, ընդ որում՝ շամպունը պետք է անպայման լինի մանկական և համապատասխանի նրա տարիքին: Ցանկալի է, որ շամպունը  արցունքաբեր հատկություն չունենա:

Իսկ ամենափոքրիկների համար օգտագործեք փրփուր շամպուններ, որոնք խնամքով կմաքրեն թե մարմինը, թե մազերը:

  • Կարևոր է հիշել, որ երեխայի գլուխը լվանալու համար չի կարելի օգտագործել մեծահասակների համար նախատեսված շամպուններ և մազի խնամքի այլ պարագաներ: Այս միջոցները պարունակում են մեծ քանակությամբ  քիմիական նյութեր, որոնք կարող են բացասաբար ազդել երեխայի զգայուն մաշկի վրա: Բացի այդ, մեծահասակների համար նախատեսված կոսմետիկական միջոցների  pH-ը չի համապատասխանում մանկիկի մաշկի pH-ին, ինչը կարող է նրա մաշկի չորացման պատճառ դառնալ:
  • Խորհուրդ չի տրվում երեխայի մազերը սանրով հարդարել անմիջապես լողացնելուց հետո:  Դա կարող է վնասել մազերի նուրբ արմատները և հանգեցնել մազաթափության և մազերի աճի խանգարման:  Թողեք, որ երեխայի մազերը մի փոքր չորանան, որից հետո կարող եք մազերը հարդարել հատուկ փափուկ խոզանակով: Գլխի նման նուրբ մերսումը լավացնում է մազերի արտաքին տեսքը, ինչպես նաև նպաստում դրանց աճին: Չի կարելի օգտագործել սովորական պլաստմասայից  սանրները, որոնք կարող են վնասել երեխայի նուրբ մաշկը: Հիշեք, որ երեխայի սանրը պետք է ունենա հավասարաչափ ատամնաշար` կլորացված եզրերով: Եթե երեխայի մազերը խճճվել են, օգտագործեք հատուկ սպերյներ, որոնք կհեշտացնեն հարդարման գործընթացը:
  • Աղջիկների մազերը խնամելիս հաճախ դրանք փռված թողեք, դա կօգնի խուսափել բարակացումից: Նաև երեխայի մազերը հարկավոր է հարդարել օրական առնվազն երկու անգամ:  Աղջնակի համար սանրվածք անելիս հիշեք, որ ձիգ պոչիկները կարող են բացասաբար ազդել երեխայի մազերի վիճակի վրա ,  խանգարել նորմալ սնուցմանը և գլխի արյան շրջանառությանը:
  • Գաղտնիք չէ, որ քնքուշ խոսքերը և մայրիկի ձեռքերի նուրբ հպումները դրական են ազդում ոչ միայն երեխայի առողջության և զարգացման վրա, այլ նաև ամրացնում են մայրիկի և փոքրիկի միջև առկա էմոցիոնալ կապը:  Իսկ որպեսզի հարդարանքը հաճելի գործընթաց դառնա, առաջարկեք, որ փոքրիկը նախ մայրիկի մազերը հարդարի և սանրվածք անի, որից հետո արդեն մայրիկը փոքրիկի մազերը կհարդարի:

 

Նյութն ըստ mama.ru կայքի

Գովազդ