«Շամպինիոններ». փոքրիկին զվարճացնող համեղ թխվածքաբլիթ

Սնունդ

Ինչ է հարկավոր

 

Ալյուր - 300 գ

Մարգարին - 100 գ

Շաքարավազ - 120 գ

Ձու - 1 հատ

Օսլա - 2 ճաշի գդալ

Կակաոյի փոշի - 2 ճաշի գդալ

Փխրեցուցիչ - 1 թեյի գդալ

Ինչպես պատրաստել

 

Հարկավոր է խորը ամանի մեջ դնել մարգարինը, այնուհետև ավելացնել շաքարավազը և մի փոքր հարել: Ավելացնել ձուն և շարունակել հարել, մինչև ստացվի համասեռ զանգված: Այնուհետև ավելացնել ալյուր, օսլա և փխրեցուցիչ: Հունցելով՝ պատրաստել խմոր: Փաթաթել սննդի փայլաթիթեղով, դնել սառնարանում և թողնել 40 րոպե: 

Հարկավոր է խմորից պատրաստել գնդիկներ (ընկույզի չափ): Ջեռոցի թավայի մեջ դնել թխման թերթիկ, որի վրա դասավորել գնդիկները: 

Դատարկ շշի բաց, նեղ հատվածը պետք է թաթախել կակաոյի փոշու  մեջ, այնուհետև մի փոքր սեղմել խմորի գնդիկին այնպես, որ ստանա շամպինիոն սնկի ձև: 

Եփել 20 րոպե, 180 ջերմաստիճանի տակ: 

 

Բարի ախորժակ

 

 

Գովազդ