Երջանկության դասեր, որ պետք է քաղել փոքրիկներից – մաս 1

Դաստիարակություն

Որոշ մարդկանց համար երջանկությունը փոխադարձ սիրո եւ ընտանեկան օջախի մեջ է, մյուսները  երջանկություն են գտնում բարձր աշխատավարձի, գործընկերների հարգալից վերաբերմունքի եւ այն  պատվաբեր դիրքի մեջ, որը մեծ կարեւորություն է հաղորդում իրենց, մեկ ուրիշներն էլ  սեփական աճն ու ինքնաիրացումն են համարում ամենակարեւորը: Եկեք դիտենք մեր փոքրիկներին եւ սովորենք նրանցից, թե ինչպես է պետք երջանկության հասնել:

1.Ավելի հաճախ տվեք «ինչու» հարցը:  Անսպառ հետաքրքրասիրությունը տանում է դեպի մշտական զարգացում: Ինչպես ասում են, թույլ մի տվեք ինքներդ ձեզ «թառամել»:

2. «Եղեք պարզ, եւ մարդիկ կսիրեն դա»: Երեխաները պարզ գաղափարների շուրջ բարդ կառույցներ չեն կազմում, ինչը հեշտորեն անում են մեծերը:

3.Երջանկությունը դետալների մեջ է: Հարցրեք երեխային, թե ինչի մեջ է երջանկությունը, եւ նա կպատասխանի` պաղպաղակի, շոկոլադի, շնիկի: Իսկ դուք երբ եք վերջին անգամ այդ մանրուքներից երջանիկ եղել:

4.Անմիջականություն. Հաճելի է լինել բնական, ինքդ քեզ հետ ու առանց վախի, որ անհասկացված կմնաս:

5.Ապրի՛ր այսօր: Այո, երեխաները երազում են տնօրեն, տիեզերագնաց, դերասան դառնալու մասին:   Այդուհանդերձ, դա այնքան հեռու ապագա է նրանց համար, եւ շատ կարեւոր է այն, ինչ պատահում է այսօր, այն, ինչ անում են այսօր, ում հետ են հանդիպում կամ ուր են      գնում այսօր:

 

Շարունակելի

Աղբյուրը`  geniuspregnancy.com

 

Գովազդ