Ինչպես հայտնաբերել փոքրիկի տաղանդը – մաս 2

Զարգացում

Նյութի առաջին մասը կարդացեք այստեղ

Պետք է նկատի ունենալ, որ սովորողները լինում են տարբեր կատեգորիաների: Լսող կատեգորիայի փոքրիկները սիրում են յուրացնել ինֆորմացիան բանավոր հաղորդակցության միջոցով: Նույն տրամաբանությամբ կան վիզուալ ընկալողներ, որոնք լավ են ընկալում ինֆորմացիան, երբ այն մատուցվում է տեսողական մեթոդներով: Կան նաեւ գործողությամբ ընկալող երեխաներ, որոնց հետ պետք է խոսել գործողությունների լեզվով: 

Պարտադիր չէ, որ փոքրիկը սովորի ճիշտ այնպես, ինչպես դուք եք սովորում: Պետք է հետեւել նրա ընկալողունակության տեմպերին եւ ընդունել նրա տեսակը: Եթե Ձեր փոքրիկը դոմինանտ սովորող չէ, նշանակում է՝ նրա հետ պետք է հաղորդակցվեք մյուս երկու տարբերակներով: Իսկ եթե դոմինանտ է, փորձեք ընտրել մոտեցման գործուն մեթոդները, այսինքն՝ այն, ինչ փոքրիկը պատրաստ է ընդունել:

Ստորեւ ներկայացնում ենք վերոնշյալ կատեգորիաների ենթախմբերը.

Միջանձնային: Այս կատեգորիայի փոքրիկները մոտիվացված էմոցիոնալ էքստրովերտներ են, որոնք ունեն հիանալի բանավոր հմտություններ եւ լավ աշխատում են խմբովի: Նրանք նաեւ սիրում են մասնակցել տարբեր հասարակական միջոցառումների:

Բանավոր: Այս կատեգորիայի փոքրիկները հիանալի գլուխ են հանում բառերից՝ թե բանավոր, թե գրավոր խոսքում: Նրանք արագ են սովորում նոր լեզուներ: Նրանք հիանալի հիշում են նոր բառերն ու կարողանում են պատմություններ պատմել:

Տրամաբանական: Այս կատեգորիայի փոքրիկները հիանալի վերլուծական ու գիտական միտք ունեն: Բարձր է նաեւ նրանց IQ  մակարդակը:

Ներանձնային: Այս կատեգորիայի փոքրիկները համարվում են ինտրովերտ եւ ինտուիտիվ: Նրանք կարողանում են վերլուծել սեփական զգացմունքները եւ կարող են լինել հիանալի մոտիվատոր ուրիշների համար:

Երաժշտական: Այս կատեգորիայի փոքրիկները սիրում են երաժշտությունը եւ վայելում են թե ռիթմերը, թե երգերը: Լսողական կատեգորիայի փոքրիկները սովորաբար լինում են երաժշտական:

Նատուրալիստ: Այս կատեգորիայի փոքրիկները շատ զգայուն են արտաքին աշխարհի նկատմամբ եւ իրավիճակներն ընկալում են դասակարգման միջոցով:

Վիզուալ: Այս կատեգորիայի փոքրիկներն իսկական արտիստներ են եւ սովորաբար շրջակա միջավայրն ընկալում են նկարների, պատկերների միջոցով: Նրանք շատ արագ են յուրացնում ինֆորմացիան:

Ֆիզիկական: Այս կատեգորիայի փոքրիկներն ունեն ֆիզիկական լավ կարողություններ եւ սիրում են զբաղվել տարբեր սպորտաձեւերով: Նրանք սովորաբար օգտագործում են իրենց մարմինը՝ խնդիրները լուծելու համար:

Հետեւեք փոքրիկի զարգացմանը: Այդպես դուք կճանաչեք նրա կարողությունները եւ կուղղորդեք  անվրեպ:

Գովազդ