«Հատուկ ժամեր». ի՞նչ անել, որ փոքրիկը չփորձի բացասական վարքով ուշադրություն գրավել

Զարգացում
  • Նախեւառաջ տեղեկացրեք երեխային, որ կա հատուկ ժամ, որն անցկացնում եք միասին: Թող նա իմանա՝ երբ պետք է սպասի ձեզ հետ ժամանակ անցկացնելուն, օրինակ՝ երբ ավարտեք գործերը, երբ գա մանկապարտեզից կամ երբ քույրիկը քնի:
  • Հարցրեք նրան՝ ինչով կուզեր զբաղվել այդ ժամին: Նրան ընտրության իրավունք տվեք: Եթե դժվարանում է, առաջարկեք մի քանի տարբերակ:
  • Ասեք նրան, թե երբ է հաջորդ խաղի ժամը եւ առաջարկեք մտածել, թե ինչով է ցանկանում զբաղվել հաջորդ ժամին:
  • Ասեք նրան, որ ձեզ դուր է գալիս իր հետ անցկացրած «հատուկ ժամերը»:
  • Զգուշացրեք, որ ժամանակը մոտենում է ավարտին, օրինակ՝ հիմա պետք է այլ գործերով զբաղվել:
  • Ավելի ուշ հիշեցրեք փոքրիկին, թե ինչ հաճելի ժամանակ անցկացրիք:
  • Երբեք մի զրկեք փոքրիկին «հատուկ ժամերից» որպես պատիժ: Ձեզ հետ ժամանակ անցկացնելու  մշտական հնարավորությունը նրա վրա անվիճելի սիրո, անբաժանելի կապի եւ  աջակցության տպավորություն է թողնում:
  •  

    «Հատուկ ժամերը» երեխաներին ապահովում են հատուկ օրակարգով: Այդպես փոքրիկը հստակորեն  ֆիքսում է, թե երբ եք դուք հասանելի:  Դա նաեւ նրան ապահովության զգացում է տալիս. Փոքրիկը մշտապես զգում է իր տեղն ընտանիքում: Բացի այդ, բավարար շփման պարագայում նրանք ստիպված չեն լինում բացասական վարքով ձեր ուշադրությունը գրավել: Իմանալով, որ կոնկրետ ժամերի դուք պատրաստվում եք խաղալ իր հետ՝ փոքրիկը մնացած ժամերին նաեւ ինքնուրույն է խաղում:

    Գովազդ