Երեխայի նկարածի վերլուծություն. ինչպե՞ս հասկանալ փոքրիկի «կոդավորված» հաղորդագրությունը

Զարգացում

Երեխայի պատկերած նկարը կարող է թաքնված իմաստ ունենալ:  Այդ իսկ պատճառով շատ ծնողներ փորձում են  իրենց փոքրիկի առաջին «գլուխգործոցների» տողատակերը կարդալ:

Երեխան սկսելով նկարել` առանձնապես չի մտածում  տեխնիկական գործընթացի մասին: Այնպես որ նկարածն  ամբողջությամբ արտացոլում է  երեխայի զգացմունքները, խնդիրներն ու առանձնահատկությունները: Նկարելու ընթացքում ակտիվ է  ուղեղի աջ կիսագունդը, որը կապված է   ինտուիցիայի և զգացմունքների հետ: Երեխան ներկերի և մատիտների օգնությամբ արտաբերում է իր իսկ հոգեվիճակը:

 

Երեխաների նկարների հոգեբանական վերլուծություն

Առաջին հերթին,  երեխայի նկարած պատկերում արտացոլվում են իր համար կարևոր կերպարները և իրադարձությունները: Այսպես նա վերարտադրում է ընտանիքում և սոցիալական միջավայրում ձեռք բերված փորձը: Կարևոր է նաև նկարի ընդհանուր գաղափարը, սյուժեն, մինչդեռ ծնողները հաճախ կենտրոնանում են մանրուքների վրա`անտեսելով գլխավորը:

Օրինակ, եթե երեխան մորը պատկերում է սև զգեստով,  դա կարող է նշանակել, որ բացասական ինչ-որ բան է զգում նրա հանդեպ, կամ գուցե պահարանում տեսել է մի գեղեցիկ սև զգեստ և այդպիսով փորձում է մայրիկին գեղեցիկ պատկերել:

Փոքրիկի նկարները վերլուծելիս, սակայն, պետք է չմոռանալ, որ այն կոնտեքստից դուրս հոգեբանական վերլուծություն է: Ուստի միայն մեկ նկարով վերլուծություն անել ցանկալի չէ: Ամբողջական վերլուծության համար ընդհանուր համատեքստում պետք է դիտարկել նրա տարբեր աշխատանքներ, ինչպես նաև շփվել ու խաղալ նրա հետ:

Աղբյուրը` 2mm.ru

Գովազդ