Ինչպե՞ս դաստիարակել երջանիկ երեխաների

Զարգացում

Երջանիկ մայրիկներն ունեն երջանիկ երեխաներ: Հնարավոր է՝ այս խորհուրդներն օգնեն ձեզ լինել երջանիկ ու երջանկացնել ձեր փոքրիկներին:

1. Տեղյակ եղեք երեխայի կյանքից

Խոսքը միայն երեխայի դաստիարակության մասին չէ: Հետաքրքվեք՝ ինչ է անում երեխան, ինչ հետաքրքրություններ, երազանքներ ու ցանկություններ ունի: Սովորեցրեք նրան նոր բաներ, բացահայտեք նրա մեջ նորն ու դարձեք նրա աշխարհի մի մասնիկը: Դրա համար անհրաժեշտ է շատ ժամանակ անցկացնել երեխայի հետ, խաղացեք, քննարկեք նրա ու մյուս երեխաների հարաբերությունները:

 

2. Ուրախ եղեք

Թող երեխան իր մանկությունը հիշելիս ձեզ ժպիտով հիշի: Իր ճանապարհին հանդիպած ցանկացած դժվարություն նա կհաղթահարի հեշտությամբ:

 

3. Մի՛ հսկեք երեխային

Տեղյակ եղեք երեխայից, սակայն մի վերահսկեք նրան: Կլինեն պահեր, երբ նա կցանկանա մենակ մնալ: Կան խնդիրներ, որոնք երեխան ինքը պետք է հաղթահարի: Դրանք նրան կդարձնեն ուժեղ ու կոփված:

 

4. Երեխային ազատեք բացասական հույզերից

Փորձեք խոսել երեխայի հետ ու հասկանալ՝ ինչն է նրան անհանգստացնում: Թույլ մի տվեք, որ երեխայի հոգում վիրավորանք ու բացասական հույզեր կուտակվեն: Բացատրեք նրան, որ ցանկացած բացասական բան պետք է հանել մտքից ու մտածել միայն դրականի մասին:

 

5. Սիրեք ու հարգեք ինքներդ ձեզ

Մայրն, ով սիրում ու հարգում է ինքն իրեն, կարող է դաստիարակել օրինակելի ու ինքնավստահ երեխաներ: Խոսքն, իհարկե, էգոիստական սիրո մասին չէ, այլ հիմնավորված ու ճիշտ սիրո:

 

 

Գովազդ