Ի՞նչ պետք է իմանա երեխան 7 տարեկանում

Զարգացում

Հասնելով դպրոցական տարիքին՝ երեխան ստանում է սոցիալական նոր կարգավիճակ: Սա փոքրիկ մարդու կյանքում նոր ու կարևոր փուլ է: Այդ տարիքում նա պետք է իմանա որոշ բաներ:

7 տարեկան երեխայի ֆիզիկական տվյալները.

7 տարեկանում փոխվում են նաև երեխայի ֆիզիկական տվյալները, բնավորության  նոր գծեր են նկատվում.

·        Միջին հասակ - 115,4 սմ-ից 126,9 սմ,

·        Ոտքերի երկարությունը - տղաների մոտ՝ 34 սմ, աղջիկների մոտ՝ 32 սմ,

·        Հագուստի չափս - 32/34,

·        Միջին քաշ - 20,1-ից 26,5 կգ

Ի՞նչ պետք է իմանա երեխան 7 տարեկանում

Թե երեխան այդ տարիքում ինչ գիտելիքներ կունենա, կախված է նրա ընտանիքից, շրջապատից ու մեծամասամբ՝ դպրոցից: Սակայն կան հիմնական բաներ, որոնք երեխան անպայման պետք է իմանա:

·        Իր անունը, ազգանունը, ծննդյան օրը, տարին ու ամիսը, երկիրը, քաղաքն ու տան հասցեն,

·        Ծնողների, մոտ հարազատների անունները, ազգանունները, ծննդյան օրերն ու մասնագիտությունները,

·        Ամիսները, շաբաթվա օրերն ու եղանակները,

·        Տնային, վայրի կենդանիներին, միջատներին, թռչուններին,

·        Բանջարեղենների, մրգերի, ծաղիկների տեսակներն ու անվանումները,

·        Հեքիաթներ, բանաստեղծություններ, երգեր,

·        Երկրաչափական մարմիններ,

·        Հաշվել մինչև տասը,

·        Մինուս և պլյուս նշաններն ու դրանց նշանակությունը,

·        Մայրենի այբուբենը,

·        Գույներն ու երանգները,

·        Աջն ու ձախը,

·        Երթևեկության կանոնները:

Եթե երեխան չգիտի այս կետերից որոշներն, ապա պատմեք, բացատրեք, սովորեցրեք նրան:

 

Ի՞նչ պետք կարողանա անել 7 տարեկան երեխան

 

Այս տարիքի երեխան որոշ հարցերում պետք է լինի ինքնուրույն:

·        Կարդալ վանկերով,

·        Պատմել կարդացած տեքստը,

·        Նախադասություններից պատմություն հորինել,

·        Տարբերել բաղաձայններն ու ձայնավորները,

·        Պետք է կարողանա ուշադիր լինել 30-40 րոպե,

·        Նկարների և առարկաների միջև տարբերությունները նկատել,

·        Մտապահել 10 նկար կամ առարկա,

·        Նկարել այնպես, որ տեսնողը հասկանա՝ ինչ է նկարված,

·        Կարողանա հավաքել խճանկարներ,

·        Կարողանա պլաստիլինից պատրաստել տարբեր առարկաներ:

Դպրոցում երեխան շատ բան կսովորի, սակայն նրա համար ավելի հեշտ կլինի, եթե մինչև դպրոցը տիրապետի որոշ գիտելիքների:

 

 

 

Գովազդ