Ինչպե՞ս հասկանալ` երեխան շնորհալի է, թե ոչ

Զարգացում

Արդյո՞ք ձեր երեխան ձանձրանում է դպրոցում, քանի որ սովորելը շատ հեշտ է նրա համար: Արդյո՞ք նա իր հասակակիցներից ավելի լավ է կարդում: Եթե այդպես է, ուրեմն`կցանկանաք նաև իմանալ`արդյոք ձեր երեխան կրթական առումով շնորհալի է, թե ոչ:

Ամեն դեպքում հիշեք՝ որոշ երեխաներ իրենց բացառիկ կարողություններն ի ցույց են դնում վաղ տարիքում`նախքան դպրոց գնալը, բայց մեծ մասը`ավելի ուշ:

5-8 տարեկան. նշաններ, որոնք կվկայեն  երեխայի`շնորհալի լինելու մասին

  • Վերացական է մտածում. նա կլանում է մաթեմատիկական ու լեզվական բանաձևերը և կարողանում է խոսել այնպիսի բարդ թեմաների շուրջ, ինչպիսիք էթիկան է, բարոյականությունը կամ կրոնը:
  • Կարողանում է մաթեմատիկական բարդ հաշվարկներ կատարել մտքում, ընդ որում`նախքան դպրոցում սովորելը:
  • Կարողանում է տևական ժամանակ կենտրոնանալ միևնույն գործողության վրա:
  • Ունի հարուստ բառապաշար և հասկանում է բառեր, որոնք, որպես կանոն, բնորոշ չեն հասակակիցներին:
  • Առաջնորդ է, որը հաճախ կազմակերպում է խմբակային խաղեր:
  • Ինքնավստահ է իր ձեռքբերումներում և գաղափարներում:
  • Կրթական առաջադիմությամբ առաջամարտիկ է:
  • Ստեղծագործ է, սիրում է պատմություններ պատմել, նկարել, երգեր հորինել:
  • Ունի հումորի զգացում և գնահատում է սրամտությունը:
  • Նախընտրում է ժամանակն անցկացնել ոչ թե տարեկիցների, այլ պատանիների հետ:
  • Ուսումնական առաջադրանքները կատարում է իր կրթական աստիճանի պահանջներից շատ ավելի լավ:
  • Զգայուն է այլոց զգացմունքների նկատմամբ:
  • Փաստերն ընկալում ու պետք եղած ժամանակ վերհիշում է:

 

Աղբյուրը`babycenter.com

 

Շարունակելի

Գովազդ