Ի՞նչ անել, որ փոքրիկը չձանձրանա. սա մի հարց է, որը երբեք չի կորցնում իր արդիականությունը: Երեխան ունի այնքան էներգիա, որ, թվում է, չի սպառվի,անգամ եթե օրվա մեջ մեկ րոպե չնստի: Հիմնականում այդպես էլ կա: Որոշ փոքրիկներ, իհարկե, քիչ պահանջներ են ներկայացնում եւ կարող են ինքնուրույն խաղալ ժամերով:
Բայց ավելի հաճախ պատահում է հակառակը, երբ փոքրիկն աչքերը բացելուն պես պահանջում է ապահովել իրեն տարատեսակ խաղերով ու զբաղմունքով, եւ դա միանգամայն նորմալ է, քանի որ այդպես է զարգանում երեխայի աշխարհընկալումը: Եթե փոքրիկը հաճախում է մանկապարտեզ, հարցը մասամբ լուծվում է, քանի որ մանկական կենտրոնների աշխատակիցները մասնագիտացած են այդ գործում: Իսկ ի՞նչ անեն այն մայրիկները, որոնք ամբողջ օրը փոքրիկի հետ են եւ այլեւս չեն կարողանում ժամանցի տարբերակներ գտնել: Ահա համատեղ զբաղմունքի տարբերակներ, որոնք կօգնեն ձեզ բազմազբաղ ու հաճելի օր անցկացնել փոքրիկների հետ.
- Գնացեք գրադարան
- Թխեք որեւէ բան, աղցան պատրաստեք, զարդարեք տորթը կամ պաղպաղակ
- Խաղալիք կենդանիներով տիկնիկային ներկայացում բեմադրեք
- Խորանարդներով կամ տարբեր իրերով աշտարակներ կառուցեք
- Գիրք կարդացեք
- Նկարեք, ներկեք միասին, գունավոր թղթերով ապլիկացիաներ արեք
- Շրջեք խանութներով
- Հրավիրեք սիրելի խաղընկերոջը տուն
- Հագնվեք միասին
- Գնացեք լողավազան
- Պիկնիկ կազմակերպեք (կարող եք անգամ սենյակի հատակին ծածկոց փռել ու ձեւացնել՝ իբր քաղաքից դուրս եք գնացել)
- Միասին երաժշտություն լսեք
- Այցելեք թանգարան
- Այցելեք կենդանաբանական այգի
- Գնացեք կենդանիների խանութ
- Միասին նամակ գրեք որեւէ սիրելի մեկին, օրինակ՝ հեքիաթի հերոսի
- Զբոսնեք
- Ալբոմներից նկարներ հանեք ու զրուցեք դրանց մասին
- Երգեք միասին
- Միասին որեւէ խմբակ հաճախեք
- Միասին չմուշկ քշեք
- Պատմեք ձեր մանկության մասին
- Վերմակով ամրոց սարքեք ու մտեք ներս
- Սառնարանի վրա կպչուն իրեր դասավորեք
- Մարզանք արեք
Շարունակելի