Խոտից մազերով մարդուկներ զատիկի համար

Ժամանց

Առաջարկում է պատրաստել մայրիկ Պերճուհի Մանուկյանը: 

Պատրաստման համար հարկավոր է.

·         զուգագուլպա,

·         փայտի թեփ,

·         ցորեն: 

 

Պատրաստման եղանակը 

Զուգագուլպան կտրել, ծայրից կապել այնպես, որ ստացվի պարկ: Այնուհետև փայտի թեփը լցնել գուլպայի մեջ, ձեռքով սեղմել`խտությունն ապահովելու համար և հարկ եղած դեպքում նորից թեփ ավելացնել: Թեփով լցված պարկ-գուլպային կլոր տեսք տալ, վրայից ավելացնել ցորենի հատիկները և բերանը կապել: Կողքերից թեփով լեցուն կտորը մի փոքր  առաջ քաշել ու կապել թելով`ստանալով օվալաձև ականջներ: Նույն եղանակով դիմային հատվածում քիթ ստանալ:

Աչք, բերան, հոնքեր կարելի է նկարել եղունգի լաքով: Աչքերի փոխարեն կարող եք նաև կոճակներ ամրացնել:

 

Ստացված մարդուկին հարկավոր է թրջել և դնել արևի տակ, որպեսզի ցորենը ծիլեր տա:

Գովազդ