Մանկական դիմածնոտային վիրաբուժության և ԼՕՌ կլինիկայի դիմածնոտային վիրաբույժ Նարեկ Մկրտչյանը նշում է՝ պերիօստիտները ատամից առաջացած բարդություններ են: Տարեկան մոտավորապես 500 երեխա վիրահատվում է այս խնդրի պատճառով, ռիսկի խմբում հիմնականում գտնվում են 2-7 տարական երեխաները: 

Ախտանիշներ 

Թարախաբորբոքային հիվանդություն է, որը զարգանում է սուր պատկերով. այտուցներ, ջերմության բարձրացում, ախորժակի անկում, ընդհանուր թուլություն, ջրազրկում: 

Բուժում 

Հիվանդության նախնական շրջանում, երբ պատկերը խորը չէ, բուժումն իրականացվում է դեղերով, իսկ բարդացման դեպքում՝ վիրահատական միջամտությամբ, հեռացվում է հիվանդության պատճառ հանդիսացող ատամը: Վիրահատությունից հետո երեխաները 3-4 օր գտնվում են բժիշկների հսկողության տակ, կատարվում են վիրակապություններ, ինֆուզիոն թերապիա, անտիբիոտիկոթերապիա: 

Կանխարգելում 

Կաթնատամները պետք է բուժվեն հայտնվելու պահից սկսած, որպեսզի հնարավոր լինի խուսափել հետագա բարդություններից: 

Չպետք է զբաղվել ինքնաբուժությամբ. ողողումներ կատարելով, պատկերը քողարկելով, ցավը մեղմելով խնդիրը չի անհետանա: 

Օրը երկու անգամ՝ առավոտյան և երեկոյան, պետք է լվանալ ատամները, հետևել սննդակարգին, օգտագործել կալցիում պարունակող սնունդներ, հաճախակի դիմել ստոմատոլոգի: 

 

Աղբյուրը՝ «Մուրացան» համալսարանական հիվանդանոցային համալիրի ֆեյսբուքյան էջ

Անցած ամիս Հայաստանի կառավարությունը որոշում ընդունեց լրացուցիչ միջոցներ հատկացնել առողջապահության ոլորտում անվճար ծառայությունների ցանկն ընդլայնելու համար, համաձայն որոշման՝ բժշկական շատ ծառայություններ մինչեւ 18 տարեկան երեխաների համար այժմ կմատուցվեն պետպատվերի շրջանակում։

Երբ օդի ջերմաստիճանը գերազանցում է մարդու նորմալ կենսագործունեությունն ապահովող միջին ջերմաստիճանային ցուցանիշը, ուլտրամանուշակագույն ճառագայթումը մարդու մոտ կարող է առաջացնել մի շարք առողջական խնդիրներ:

Առաջին դասարան, նոր միջավայր, դասեր, ընկերներ. նոր ուսումնական տարվան մնացել է ընդամենը մի քանի օր: Այս անգամ «Իմ փոքրիկ»-ը որոշել է օգնել ծնողներին՝ հասկանալու՝ ինչպես պատրաստվել երեխայի առաջին սեպտեմբերի 1-ին: Հոգեբան Անի Ապիտոնյանը «Իմ փոքրիկի» հետ զրույցում մի քանի կարևոր սկզբունք է առանձնացնում, որոնց հարկավոր է ուշադրություն դարձնել երեխային առաջին անգամ դպրոց ուղարկելիս:

Այլ հոդվածներ …

Գովազդ