Փոքրիկի քունը. հրաժարվում ենք ցերեկային քնից

Այս ռեժիմը  քնի ժամանակահատվածի աստիճանական կրճատմամբ  պահպանվում է մինչև 6-7 տարեկան հասակը:  Հետագայում, որպես կանոն, փոքրիկն այլևս ցերեկային քնի կարիք չի ունենում:  Լինում են դեպքեր, երբ արդեն 3-4 տարեկանում փոքրիկները  հրաժարվում են ցերեկային քնից:

Պարտադիր է արդյո՞ք հետևել օրվա ռեժիմին

Օրվա ռեժիմին հետևելը օգնում է փոքրիկին ունենալ ժամանակի կողմորոշում, ինչը նպաստում է հավասարակշռվածությանը և դեռևս ամբողջությամբ չձևավորված  նյարդային  համակարգը  պահպանում է գերհոգնածությունից:

Պարտադիր է արդյո՞ք փոքրիկին քնեցել որոշակի ժամի

Այս հարցում բացարձակ հստակություն պահպանելու կարիք առանձնահատուկ չկա: Եթե նա շատ հոգնած է, կարող եք մի քիչ ավելի շուտ քնեցնել, իսկ եթե նրա ցերեկային քունը շատ խորն է, ապա արթնացնել կարող եք մի քիչ ուշ: Այս պարագայում շատ ավելի լավ է կողնորոշվեք ոչ թե ժամանակով, այլ փոքրիկի ինքնազգացողությամբ: Փոքրիկը պետք է քնի առանց կամակորությունների և արթնանա շատ առույգ ու ուրախ:

Ի՞նչ անել, երբ փոքրիկը չի ցանկանում քնել

Եթե փոքրիկն  ոչ մի կերպ չի ցանկանում քնել, ապա նա դեռևս բավարար հոգնած չէ: Ցանկալի է ավելացնեք նրա ֆիզիկական ծանրաբեռնվածությունը  սպորտային պարապմունքներով կամ զբոսանքով: Դրա հետ մեկտեղ անհրաժեշտ է խուսափել քնելուց առաջ փոքրիկի էմոցիոնալ գրգռվածությունից:

Խորհուրդներ, թե ինչպես օգնել փոքրիկին քնել

Փոքրիկի  անկողինը պետք է հարդարեք այնպես, որ նրան հարմար և հաճելի լինի այնտեղ քնել: Ցանկալի չէ քունը դարձնեք պատժամիջոց: Նրան քնել կօգնի  փոքրիկ խաղալիքը, որը նույնպես ցանկանում է նրա  հետ միաժամանակ քնել նույն անկողնում: Շատ ավելի լավ է և հեշտ նրան համոզել, որ ինքն է ցանկանում գնալ քնելու:

Կարող եք նրան հարցել` հիմա  է ցանկանում քնել,  թե 5 րոպեից: Նաև կարելի է  հիշեցնել սովորաբար կրկնվող գործողությունների մասին՝ ուտենք, լվացվենք և գնանք քնելու, որպեսզի հեքիաթ լսենք: Փոքրիկը սկսում է հետևողականորեն հետևել Ձեր ասած գործողություններին և ընդնունում է դրանք որպես օրվա պարտադիր իրադարձություններ:

Ինչո՞ւ է փոքրիկը հաճախ արթնանում՝ ինչ-որ բան խմելու համար

Հիմնականում սա վկայում  է այն   մասին, որ փոքրիկի սենյակում օդի ջերմաստիճանը ճիշտ չէ կամ  անկողնում շատ տաք է: Մանկական սենյակում պետք է լինի զով՝ 18-20 աստիճան ցելսիուս:  Եթե անկողնում  գերտաքացման  հարցը չլուծեք, ապա փոքրիկը շարունակբար կարթնանա:

Ե՞րբ կարելի է հրաժարվել ցերեկային քնից

Փոքրիկի նյարդային  համակարգը նոր  է սկսում զարգանալ, դրա հետ մեկտեղ փոքրիկը ֆիզիկական ծանրաբեռնվածությունների է ենթարկվում և այդ ամենից լիարժեք հանգիստ նա ստանում է միայն քնած ժամանակ: Հետզհետե փոքրիկի ցերեկային քնի կարիքը նվազում է: 6 տարեկան հասակում 1 ժամն էլ բավարար է նրա համար: Փոքրիկները հիմնականում հրաժարվում են ցերեկային քնից, քանի որ նրանց համար դժվար է կտրվել սիրած զբաղմունքից կամ կախված է առավոտյան վերկացից: Ցերեկային քնի ռեժիմը ժամանակի ընթացում փոփոխվում է և 7 տարեկան հասակում արդեն փոքրիկը կարող է քնի կաիք չզգալ:

Պետք է արդյո՞ք փոքրիկին ստիպել քնել, եթե նա ցանկություն չունի

Անիմաստ է փոքրիկին ստիպել քնել ցերեկը: Անիմաստ է նրան ստիպել քնել, եթե նա հոգնած չէ, կամ ստիպողաբար կերցնել, եթե նա սոված չէ:

Նաև շատ տարածված սխալ է, երբ ցերեկային քունը դարձնում են պատժամիջոց: Եթե փոքրիկը մեղավոր է , ապա կարող եք նրան մենակ թողնել սենյակում, անգամ փակել դուռը, բայց ոչ ստիպել քնել, քանի որ դա առաջացնում է բացասական վերաբերմունք քնի նկատմամբ:

Արդյոք ցերեկային քնի տրողությունը ազդում է գիշերային քնի վրա

Շատ ծնողների կարծիքով եթե փոքրիկը ցերեկը քիչ է քնում կամ ընդհանրապես չի քնում, ապա գիշերը նա ավելի խորը կքնի: Նման եզրահանգումը շատ սխալ է, ինչպես նաև այն, որ եթե փոքրիկը շատ էներգիա է ծախսել ցերեկը, ապա խորը և հեշտ կքնի գիշերը: Ընդհակառակը՝ ավելորդ գրգռվածությունը կամ հոգնածությունը ավելի է դժվարացնում նրանց  գիշերային քունը:

Ե՞րբ է փոքրիկը հրաժարվում քնից

Արդեն երեք տարեկանից նրանք կարող էք հրաժարվել քնելուց: Սակայն այս հասակում ցերեկային քունը դեռ կարևոր է և ծնողներից մի քիչ ջանք կպահանջվի, որ  կարողանան ցերեկը քնեցնել  իրենց փոքրիկին: Ցանկալի է մինչև դպրոցական հասակը ապահովվել ցերեկային քուն:

Ինչպե՞ս վարվել, եթե փոքրիկը չափազանց շուտ է հրաժարվում ցերեկային քնից

Եթե փոքրիկը դադարում է քնել և դրանով հանդերձ իրեն լավ է զգում, ապա ծնողները կարող են նրան ժամանակ տրամադրել և հանգիստ տարածք, որպեսզի նա կարողանա պարզապես պառկել, հանգստանալ: Լուռ հանգիստը փոքրիկին նույնպես թույլ է տալիս լիարժեք հանգստանալ և  կարգավորում  նյարդային  համակարգը:

Նյութը՝ ըստ parenting.ru կայքի