Համեղ նախաճաշ` ճուտիկի կերպարանքով ձվիկով

Ճիշտ է, Սուրբ Զատիկն անցավ, ու մեր սեղանին հավկիթը նույնքան գրավիչ ու առատ չէ, այդուհանդերձ, մի մոռացեք, որ փոքրիկի սննդակարգում ձուն մշտապես պետք է իր տեղն ունենա: Իհարկե, ալերգիաներ ունեցող փոքրիկների մայրիկներն ավելի զգոն պիտի լինեն, բայց ամեն դեպքում ձուն այն բարիքն է, որը երբեմն կարող է իր կալորիականությամբ մսին փոխարինել:

Այս նախաճաշիկի համար հարկավոր է ձու, գազար, հազար  եւ զեյթուն: Հավկիթը լվացեք, խաշեք մոտ 10 րոպե, մաքրեք: Գազարը լվացեք, մաքրեք ու կտրատեք այնպես, որ օգտագործեք ճուտիկի տոտիկները, կտուցն  ու գլխի մազիկները սարքելու համար: Ի դեպ, կարող եք տոտիկները ստանալ առանց գազարի: Պարզապես հավելյալ ձու խաշեք եւ դրա դեղնուցն ու սպիտակուցն օգտագործեք:  Աչուկների տեղում էլ ամրացրեք զեյթունի փոքր կտորները: Գեղեցիկ ճուտիկները դրեք մի ափսեում, որը ծածկված կլինի հազարով:

Բարի ախորժակ