Հավի կրծքամիսը թթվասերային սոուսով

Սնունդ

Ինչ է հարկավոր

Եփած հավի կրծքամիս-2 կտոր,

Թթվասեր-4 ճաշի գդալ,

Գազար-1 հատ,

Սոխ-1 հատ,

Կարագ-50 գ,

Ալյուր-1 թեյի գդալ,

Աղ-ըստ ճաշակի

(նախատեսված է 4 բաժնի համար):

Ինչպես պատրաստել

Հավի կրծքամիսը նախապես եփել: Եփելու ժամանակ ջրին ավելացնել մաղադանոսի ցողունները և սոխը: Խաշած կրծքամիսը ջրից հանել և  կտրատել փոքրիկ խորանարդիկներով:

Սոխը անցկացնել քերիչով, որպեսզի ստացվի սոխի խյուս: Գազարը կտրատել փոքրիկ խորանարդիկներով:

Կարագը հալեցնել կաթսայի մեջ: Դրան ավելացնել սոխի խյուսը և գազարը: Ամբողջը խառնել և խաշել փակած կափարիչով մինչև գազարի կիսաեփ լինելը:

Մինչ բանջարեղենը շոգեխաշվում է, առանձին ամանի մեջ խառնել թթվասերը և ալյուրը:

Շոգեխաշված բանջարեղենին ավելացնել մանր կտրատած հավի կրծքամիսը, թթվասերը` ալյուրով խառնած, աղ անել և խառնել: Լցնել մի փոքր ջուր և նորից խառնել:

Հավի կրծքամիսը եփել թթվասերի սոուսով 10-15 րոպե:

Հավի կրծքամիսը թթվասերի սոուսով կարելի է երեխային մատուցել տարբեր խավարտներով` փխրեցրած կարտոֆիլով, հնդկաձավարով, բրինձով, բանջարեղենով կամ առանց որևէ բանի:

Բարի ախորժակ

 

Գովազդ