Ի՞նչ անել, երբ երեխան ստում է

հավանական է, որ երեխան կստի:

Երբ այս տարիքի երեխան երբեմն-երբեմն ստում է, դա այդքան էլ վտանգավոր չէ:  Պարզապես ծնողները պետք է հիշեն, որ ճիշտ չէ պատժել փոքրիկին, երբ նա շատ է չափազանցնում կամ հորինում:

Սակայն երբ ստելը պարբերական բնույթ է կրում, դա արդեն մտահոգիչ է:

Ի՞նչ կարող են անել ծնողները

• Խրախուսեք ճիշտ խոսելը

Եթե երեխան ճիշտ է խոսում, խրախուսեք նրան` շնորհակալություն հայտնելով: Փոքրիկի ամեն մի կարգազանցությունից մի կորցրեք Ձեր ինքնատիրապետումը: Օրինակ, երբ երեխան խոստովանում է, որ ինչ որ վատ կամ արգելված բան է արել, մի բարկացեք կամ պատժեք նրան, այլ  գովեք, որ ճիշտն է ասում: Եթե բարկանաք կամ պատժեք նրան, դժվար թե փոքրիկը ճիշտ խոսելը խրախուսելի համարի:  Հիշեք, որ ճիշտ վարքագծի խրախուսումը հրաշքներ է գործում և էլ ավելի ոգևորում երեխային:

• Մի մեղադրեք երեխային

Ձեր նկատողությունները ձևակերպեք այնպես, որ երեխան ոչ թե ժխտի կատարվածը, այլ  խոստովանի:

• Մի ծանրաբեռնեք երեխային

Ձեր չափազանց մեծ ակնկալիքներով և խստապահանջ կարգուկանոնով մի ծանրաբեռնեք երեխային: Նա այդ ամենը կամ չի հասկանա կամ ի վիճակի չի լինի  հետևել դրանց: Արդյունքում երեխան ստիպված կլինի ստել, որպեսզի չբարկացնի Ձեզ:

• Ստեղծեք վստահության մթնոլորտ Ձեր և երեխայի միջև

Երեխան պետք է իմանա, որ Դուք հավատում եք իրեն, ինքն էլ կարող է Ձեզ վստահել: Ծնող-երեխա հարաբերություններում ամենակարևորը անկեղծությունն է: Եվ ծնողները պետք է ազնվության օրինակ ծառայեն իրենց երեխաների համար, երեխայի հետ հարաբերություններում խուսափեն կիսաճշմարտություններից և կատարեն իրենց խոստումները:

Երեխան հաճախ ստում է` առանց այդ փաստը գիտակցելու: Ծնողները պետք է սովորեցնեն նրան  ճանաչել և սիրել ճշմարտությունը:

Նյութն ըստ mamashkam.ru կայքի և

«Այնքա~ն ծանոթ և այնքա~ն անծանոթ... մեր երեխան»  գրքի