Ատամների խնամք. ո՞ր տարիքից սկսել խոզանակել, ինչպե՞ս եւ ինչու՞

Խնամք

Սովորաբար առաջին ատամները ծկլթում են 5-8 ամսականում, սակայն դրանց մասին հոգ տանել հարկավոր է նախքան դուրս գալը, քանի որ լնդերի վրա հայտնվում են սննդի մնացորդներ և մանրէներ: Որպեսզի դրանք չվնասեն փոքրիկի դեռ դուրս չեկած ատամիկները, հարկավոր է հատուկ նորածինների համար խոզանակով հեռացնել դրանք:

Նոր ծկլթած ատամիկները հարկավոր է լվանալ օրական 2 անգամ՝ մանկական փափուկ խոզանակով և մանկական  մածուկով: Շատ կարևոր է վաղ տարիքից երեխային վարժեցնել դրան:

Ինչու՞ է կարևոր ատամները  խոզանակելը

Չնայած ժամանակի ընթացքում փոքրիկի կաթնատամները փոխարինվելու են հիմնական ատամներով, հարկավոր  է կաթնատամներն առողջ պահել, քանի որ վերջիններս վնասվելով՝ վնասում են հիմնական ատամների սաղմը:  Կաթնատամների մաքրումն ու ատամնաբույժի պարբերաբար այցը կարող են լինել ատամների առողջության հիմնական գրավականը:

Ինչպե՞ս ճիշտ մաքրել ատամները

Ատամնաբույժները ծնողներին խորհուրդ են տալիս մինչև  13 տարեկանը  հետևել, թե ինչպես է փոքրիկը խոզանակում ատամները: Առավելագույն արդյունք ստանալու համար անհրաժեշտ է խոզանակել արտաքին, ներքին և ծամելու մակերեսային շերտերը:

Արտաքին և ներքին մակերեսները  մաքրելու համար հարկավոր է խոզանակը վերև-ներքև , աջ և ձախ անել, իսկ ծամող մակերեսը մաքրել  հնարավոր է  հորիզոնական շարժումների միջոցով: Շատ կարևոր է խոզանակը թույլ սեղմել՝ էմալը չվնասելու համար:

Նյութը՝ ըստ mama.ru-ի

Գովազդ