Մայրը պետք է շարունակի երեխային կերակրել կրծքով օրական այնքան անգամ, որքան երեխան ցանկանա: Այդուհանդերձ, վեց ամսականից հետո մայրական կաթը կարող է արդեն չբավարարել երեխայի օրգանիզմի պահանջները:

Ուստի անհրաժեշտ է աստիճանաբար մեծացնել երեխային տրվող հավելյալ սննդի ծավալը: 12 ամսական երեխայի համար հավելյալ սննդամթերքները աստիճանաբար դառնում են էներգիայի հիմնական աղբյուր:

ԿԵՐԱԿՐԵՔ ՇՈՒՏ-ՇՈՒՏ ԵՎ ՔԻՉ-ՔԻՉ: Քանի որ փոքրիկի համար չկա ճաշ, նախաճաշ և ընթրիք, նրա համար նշանակություն չունի , թե ինչ հաջորդականությամբ կուտի բանջարեղենը, շիլան, մրգերը: Սխալ է կարծել, թե երեխան կարող է օրվա մեջ երեք անգամ հանգիստ նստել սեղանի մոտ և ուտել: Պետք է հրաժարվել փոքրիկին ռեժիմով կերակրելու մտքից  և ոչ մեծ քանակությամբ պինդ սնունդ տալ կրծքով կերակրելու ընդմիջումների  միջև: Չպետք է մոռանալ, որ երեխայի ստամոքսը փոքր է:

Արդյո՞ք ջուրն անհրաժեշտ է մայրական կաթով սնվելու դեպքում

Եթե փոքրիկը սնվում է մայրական կաթով, ապա նրա օրգանիզմը ջրի կարիք այլևս չունի: Իսկ արհեստական սննդի դեպքում կարելի է ջուր կամ տարբեր հյութեր տալ բալիկին` խնձորի, բանանի, նարնջի և այլն: Սակայն հյութեր ցանկալի է օգտագործել 3 ամսականը լրանալուց հետո:

Եռացրած. թե՞ ծորակի ջուր. որն է ճիշտ

Մինչև երեք ամսականը երեխային պետք է տալ եռացրած ջուր, այնուհետև փոքրիկը կարող է խմել նաև սովորական ծորակի ջուր:

Գովազդ