Տանձ, խնձոր, նարինջ. վիտամինները փոքրիկին մատուցելու հնարամիտ տարբերակ

Սնունդ

Բոլորը գիտեն, որ մրգի դերը փոքրիկի սննդացանկում անփոխարինելի է: Բայց դա չի նշանակում, որ մայրիկներին մշտապես հաջողվում է բավարար քանակությամբ միրգ ներառել փոքրիկի ռացիոնում: Շատ հաճախ փոքրիկները կամակորություն են անում եւ հրաժարվում են մրգից:

Եթե  ուզում եք փոքրիկին գայթակղել, շարժեք ձեր երեւակայությունը: Երեք նույն չափսի միրգը՝ տանձը, խնձորն ու նարինջը, շերտերով կտրատեք ու շարեք այնպես, ինչպես պատկերված է լուսանկարում: 

Տանձը հարուստ է  տարատեսակ վիտամիններով՝ կալցիում,  երկաթ, ֆոլաթթու, մագնեզիում, վիտամին В6, K, C  և այլն:  Այս միրգը պարունակում է յուրահատուկ եթերային յուղեր, կենսաբանական ակտիվ նյութեր, որոնք կարող են բարձրացնել օրգանիզմի դիմադրողականությունը և խոչընդոտել ինֆեկցիոն հիվանդությունների առաջացումը:

Խնձորը  պարունակում է կալիում, երկաթ,  վիտամին C եւ այլն: Հատկապես կարմիր խնձորը հարուստ է աչքերի և մաշկի համար օգտակար A և B խմբի վիտամիններով, որոնք հանգստացնում են նյարդերը: Խնձորն օգտակար է նաև մազերի ու եղունգների համար:

C վիտամինով հարուստ նարինջը և նարինջի հյութը ակտիվացնում են մարսողությունը, ամրացնում են դիմադրողականությունը և բջիջները պաշտպանում թթվային ռեակցիաներից: Այս մերձարեւադարձային միրգը նաեւ թարմացնող հատկանիշ ունի:

Գովազդ