Հավելյալ սնունդն ու ալերգիան. ի՞նչ պետք է իմանա մայրիկը

Ո՞ր տարիքից կարելի է երեխային տալ հավելյալ սնունդ, հատկապես եթե երեխան ալերգիկ է

Երեխայի կյանքում առաջին հավելյալ սնունդը պետք է լինի բուսական խյուսը՝ սպիտակ կամ կանաչ բանջարեղենով՝ ծաղկակաղամբ, դդմիկ, ցուկկինի: Երեխային հավելյալ սնունդ պետք է սկսել տալ 5-6 ամսականից:

Սկզբնական շրջանում պետք է կերակրել երեխային օրական մեկ անգամ՝ քառորդ թեյի գդալ,  ցանկալի է առավոտյան: Հետզհետե պետք է շատացնել կերակրման քանակը՝ դարձնելով օրական երկու անգամ:

Սկզբնական շրջանում՝ ամեն կերակրումից հետո, պետք է զննել երեխայի մաշկը և համոզվել, որ չկան ալերգիկ ցաներ կամ այլ երևույթներ: Առկայության դեպքում հարկավոր է կասեցնել հավելյալ սնուցումը:

Եթե երեխայի մոտ ամեն ինչ կարգին է, պետք է տալ այլ բանջարեղեն ևս:

Ընդհանուր կանոն. ցանկացած նոր մթերք երեխայի սննդացանկում ավելացնելիս առաջին 10 օրը պետք է տալ քիչ քանակությամբ. որոշ ալերգիկ ռեակցիաներ առաջանում են  սննդի ընդունումից մի քանի օր հետո:

Կյանքի 7-րդ ամսում երեխային պետք է տալ շիլաներ՝ ավելացնելով բուսական յուղ, փափուկ խաշված միս՝ ցանկալի է հնդկահավի, նապաստակի, տավարի: Սակայն պետք է հիշել, որ այս տարիքում միս չպետք է տալ հաճախակի:

8 ամսականից սկսած պետք է երեխային տալ թարմ միրգ՝ հատկապես դեղին և կանաչ:

9-10 ամսականում երեխային պետք է տալ մածուն, բայց համոզվելով, որ կաթնամթերքի նկատմամբ չկան ալերգիկ ռեակցիաներ. եթե նկատեք նման դրսեւորումներ, կարող եք ավելացնել կաթնամթերքի այլ տեսակներ:

1 տարեկան երեխային արդեն պետք է կերակրել ընտանեկան սեղանից: Նա պետք է ուտի ձուկ, ըմպի բնական հյութեր և այլն: Շատ կարևոր է նաև ձուն: Սակայն եթե երեխան ունենա ալերգիկ ռեակցիա ձվի նկատմամբ, այն պետք է հանել սննդացանկից:

Աղբյուրը՝ mama.ru