Դդմիկն ու եգիպտացորենը միանգամայն դրական ազդեցություն են ունենում մարսողական համակարգի աշխատանքի վրա։
Նրանց համադրությամբ խյուսը կարելի է առաջարկել հավելալ սննդի անցած երեխաներին։ Հարկավոր է վերցնել՝
․ 1 հատ դդմիկ
․ 2 ճ․գ․ եգիպտացորենի մանրահատիկ
․ Կես գազար
․ Ձիթապտղի ձեթ
Պատրաստման ընթացքը
Առաջին հերթին պետք է դդմիկը գազարի հետ մանրացնել և խաշել, ինչի համար պետք կգա ընդամենը 15 րոպե։ Այդ ընթացքում եգիպտացորենի մանրահատիկն եք եփում, որի համար էլ կպահանջվի 10-15 րոպե։ Եփված բաղադրիչները միացնում եք և հարում՝ ավելացնելով մի քանի կաթիլ ձիթապտղի ձեթ։
Բարի ախորժակ