Դդմիկով, խնձորով և կարտոֆիլով խյուս 6-12 ամսականների համար

6-12ամիս

Կան որոշ բանջարատեսակներ և մրգեր, որոնց հանգիստ ու հեշտությամբ է «հյուրընկալում» երեխայի մարսողական համակարգը: Դրանց շարքում են դդմիկն ու խնձորը: Այս երկու բաղադրիչները կարելի է համադրել կարտոֆիլի հետ և ստանալ խյուս, որը կապահովի մարսողության թեթև ընթացքը:

 

Հարկավոր է՝

◾1-2 հատ դդմիկ

◾1 հատ խնձոր

◾Կես կարտոֆիլ

◾Կես թեյի գդալ ձիթապտղի ձեթ

 

Պատրաստման եղանակը 

Կարտոֆիլը և դդմիկը կտրատում ենք, խաշում միասին 15-20 րոպե: Խնձորի կեղևն անպայման հեռացնում ենք, հետո արդեն բաժանում այն մանր կտորների: Եփում ենք խնձորը 5 րոպե: Բաղադրիչները միացնում ենք, ավելացնում ձիթապտղի ձեթն ու լավ խառնում: Անցկացնում ենք հարիչով: Կարող ենք մատուցել:

 

  

Բարի ախորժակ